Emabandlenethu sinabafowethu nabodade abalotjhe uJehova iminyaka eminengi. Singafunda endleleni abathembela ngayo kuJehova. Singababuza ngomlando wehlangano kaJehova nangeentjhijilo abaqalana nazo nokuthi uJehova wabasiza njani bona bazihlule. Singabamema abakhulileko ekuloTjheni koMndeni kwantambama begodu sibabawe basicocele ngezinto abaqalana nazo.

Nangabe ulotjhe uJehova iminyaka eminengi cocela abantu abasesebatjha ngezinto owaqalana. UJakopo noJosefa bacocela iinzukulwana zabo ngokuphila kwabo nokuthi uJehova wabasiza njani. (Gen 48:21, 22; 50:24, 25) UJehova ulindele ukuthi abobaba bafundise abantwana babo ngemisebenzakhe enamandla. (Dut 4:9, 10; IR 78:4-7) Esikhathini sethu, ababelethi nabanye ebandleni kufuze babacocele abantwana nabantu abasesebatjha ngezinto ezihle uJehova abenzele zona asebenzisa ihlanganwakhe.

BUKELA IVIDIYO ETHI, UKUBA NOBUNYE UMSEBENZI WOKUTJHUMAYELA NAWUVINJELWEKO, BESE UPHENDULA IMIBUZO ELANDELAKO:

• Igatja le-Austria labasiza njani abafowethu abahlala eenarheni lapho umsebenzi wokutjhumayela uvinjelwe khona?

• Abafowethu abahlala eenarhenezi benza njani ukuthi ukukholwa kwabo kuhlale kuqinile?

• Kubayini abarhuweleli abanengi beRomania batjhiya ihlangano kaJehova, begodu babuyela njani?

• Izinto abaqalana nazo zikuqinise njani ukukholwa kwakho?