Abafowethu basebenza budisi bona balungiselele iintjumayelo ezisibonelo begodu inengi labatjhumayeli lizifumane ziphumelela lokha nabatjhumayelako. Nanyana kunjalo, ngebanga lobujamo obungafani ephasini, abatjhumayeli batjhaphulukile ukusebenzisa isihloko esihlukileko esizokudosa ikareko yabantu bendawo lokha nabatjhumayelako. Akubuzwa, boke kufuze balandele iinqophiso malungana nejima elikhethekileko. Umnqophwethu kukwenza lokho uJesu athi sikwenze, ukutjhumayela iindaba ezimnandi zomBuso.—Mat 24:14.

Lokha abarhuweleli nabenza izabelo zabafundi, kufuze bacoce ngesihloko esivezwe ngaphasi kwengcenye yeentjumayelo ezisibonelo encwajaneni ethi, Ipilo Nomsebenzi WobuKrestu. Nanyana kunjalo, ngaphandle kokobana kutjengiswe ngenye indlela, batjhaphulukile ukukhetha okuzokusebenza ngcono esiminabo kungaba mbuzo ohlukileko, umtlolo, umbuzo abazowuphendula nababuyelako namkha ubujamo obuvumelana nendawo. La kulungiswa isinqophiso esavela ekhasini 8 lencwajana yePilo Nomsebenzi WobuKrestu yangoJuni 2020.