Zefaniya 3:1-20
3 Maye! Dorobho elivukelako, elisilaphaziweko, eligandelelako.+
2 Akhenge lilalele;+ akhenge lamukele ukuyalwa.+
Akhenge lithembeke kuJehova;+ akhenge litjhidele kuZimalo.+
3 Amakhosanalo amabhubezi abhodlako.+
Abahluleli balo baziimpisi ebusuku;Abatjhiyi ngitjho nethambo bona balipupure bekube sekuseni.
4 Abaphorofidi balo bayazikhakhazisa, bamadoda akhohlisako.+
Abaphristi balo basilaphaza okucwengileko;+Badelela umthetho.+
5 UJehova ulungile hlangana nedorobhelo;+ akakwenzi okumbi.
Qobe ekuseni wenza izahlulelo zakhe zaziwe,+Uhlala khona njengemini.
Kodwana ongakalungi akaboni ihlazo.+
6 “Ngitjhabalalise iintjhaba; imibhotjhongwazo esemakhoneni yatjhiywa imarubhi.
Ngatjhabalalisa iindlela zazo, bona kungabi nodlulako.
Amadorobhazo atjhiywe amarubhi, kunganamuntu nesakhamuzi.+
7 Ngithe, ‘Kwamambala nizongisaba begodu namukele isiyalo,’+
Bona indawalo ingatjhatjalaliswa+
Kufuze ngilijezise ngebanga lazo zoke izintwezi.
Kodwana bazimisele khulu ukwenza okumbi.+
8 ‘Hlalani ningilindile,’+ kutjho uJehova,‘Bekube lilanga lapho ngisikima ngithatha okuthunjiweko,Ngombana isiqunto sami sokwahlulela kubuthelela iintjhaba nokuhlanganisa imibuso,Bona ngithululele ilaka lami kibo, loke ilaka lami elivuthako;+Ngombana iphasi loke lizokutjhiswa mlilo wetjisekwami.+
9 Ngombana ngizokufundisa boke abantu ukukhuluma ilimi elihlwengileko,Bona boke babize igama lakaJehova,Bona bamlotjhe ngobunye.’+
10 Kusukela esifundeni semilambo yeTopiya,Abantu bami abarhatjhekileko, abathandaza kimi bazongilethela isipho.+
11 Ngelangelo angeze nihlaziswe
Ngebanga lazo zoke izenzo zenu zokuhlubuka kimi,+Ngombana ngizokususa abazikhakhazisako hlangana nani;Begodu angekhe nisazikhakhazisa entabenami ecwengileko.+
12 Ngizokuvumela abathobekileko nabanommoya ophasi bona bahlale hlangana nani,+Begodu bazokuphephela egameni lakaJehova.
13 Abaseleko bakwa-Israyeli+ angekhe benze ukungalungi;+Angekhe bakhulume amala begodu ilimu elikhohlisako angekhe lifumaneke emlonyenabo;Bazokudla begodu balale begodu akekho ozobenza bathukwe.”+
14 Rhuwelela ngethabo ndodakazi yeZiyoni!
Rhuwelela ngethabo Israyeli!+
Thaba begodu ujekezele ngehliziywakho yoke ndodakazi yeJerusalema!+
15 UJehova ususe izahlulelo ngokujamelene nawe.+
Uqothe inaba lakho.+
Ikosi yakwa-Israyeli uJehova unawe.+
Angekhe usasaba ihlekelele.+
16 Ngelangelo kuzokuthiwa eJerusalema:
“Ungasabi Ziyoni.+
Ungavumeli isandla sakho sibogaboge.
17 UJehova uZimakho unawe.+
Unamandla begodu uzokusindisa.
Uzokuthabela ngethabo elikhulu.+
Uzokwaneliseka ngethando lakhe.
Uzokuthabela ngokurhuwelela kwethabo.
18 Ngizokubuthelela ndawonye labo abezwa ubuhlungu ebebangekho eminyanyenakho;+Bebangekho ngombana bebasekudingisweni begodu abantu bebahlekisa ngabo.+
19 Qala! Ngesikhatheso ngizokujezisa boke abakugandelelako;+Begodu ngizokusindisa ohluzako,+Ngizokubuthelela ndawonye abarhatjhekileko.+
Ngizobenza badunyiswe begodu baziwe
Kiyo yoke inarha yehlazo labo.
20 Ngesikhatheso ngizoningenisa,Iye ngesikhatheso ngizonibuthelela ndawo-nye.
Ngombana ngizonenza naziwe begodu nidunyiswe+ hlangana nazo zoke iintjhaba zephasini,Nangibuyisa abathunjiweko nizokubona lokho,” kutjho uJehova.+
