Jotjhuwa 14:1-15
14 Ama-Israyeli athatha ilifa enarheni yamaKanana. Ilifelo alinikelwa ngu-Elazara umphristi, uJotjhuwa indodana kaNuni neenhloko zeenkoro zakwa-Israyeli.+
2 Afumana ilifelo ngefumbe+ njengombana uJehova bekayalile ngoMosi mayelana neenkoro ezilithoba nesiquntu sekoro.+
3 UMosi bekanikele iinkoro ezimbili nesiquntu sekoro ilifa lazo ngakwelinye ihlangothi leJordani*+ kodwana akhenge anikele amaLevi ilifa hlangana nazo.+
4 Iinzukulwana zakaJosefa bezibalwa njengeenkoro ezimbili,+ yakwaManase neyakwa-Efrayimu;+ akunasabelo senarha esanikelwa amaLevi ngaphandle kwamadorobho+ bona ahlale kiwo namadlelo wefuywawo kunye nepahlawo.+
5 Yeke ama-Israyeli ahlukaniselana inarha njengombana uJehova ayale uMosi.
6 Ngemva kwalokho, amadoda wakwaJuda eza kuJotjhuwa eGiligali.+ UKalebi+ indodana kaJefune umKhenizi wathi kuye: “Wazi kuhle ukuthi uJehova wathini+ kuMosi umuntu kaZimu weqiniso+ ngami nangawe eKhadetjhi-Bharineya.+
7 Bengineminyaka ema-40 lokha uMosi inceku kaJehova nakangithumela eKhadetjhi-Bharineya bona ngiyokuhlola inarha+ begodu ngabuya nombiko oliqiniso nothembekileko.+
8 Ngitjho nanyana abafowethu abakhuphuka nami babangela abantu bona bangenwe mamanzi emadolweni, mina ngalandela uJehova uZimami ngehliziywami yoke.*+
9 UMosi wafunga mhlokho wathi: ‘Inarha iinyawo zakho ezikhambe kiyo izokuba lilifa lakho namadodanakho ngokungapheliko ngombana ulandele uJehova uZimami ngehliziywakho yoke.’+
10 Njengombana athembisa,+ uJehova ungibulungile+ yoke iminyaka ema-45 le kusukela ngelanga uJehova enza ngalo isithembiswesi kuMosi lokha ama-Israyeli nakasakhamba emmangweni;+ ngisese la nanamhlanjesi, ngineminyaka ema-85.
11 Namhlanjesi ngisesenamandla ebenginawo ngelanga uMosi angithuma ngalo. Ngisesenamandla afanako wokuya epini newokwenza ezinye izinto.
12 Ngalokho nginikela isifunda seentaba uJehova angithembisa sona mhlokha. Ngitjho nanyana wezwa mhlokho ukuthi bekunama-Anakhi+ lapha anamadorobho amakhulu navikelekileko,+ akunakuzaza bona uJehova uzokuba nami+ nokuthi ngizowaqotha njengombana uJehova athembisile.”+
13 Yeke uJotjhuwa wambusisa, wanikela uKalebi indodana kaJefune iRhebroni bona ibe lilifa lakhe.+
14 Kungebangelo iRhebroni ililifa lakaKalebi indodana kaJefune umKhenizi bekube kunamhlanjesi ngombana walandela uJehova uZimu ka-Israyeli ngehliziyo yoke.+
15 Igama leRhebroni ngaphambilini bekuyiKhiriyathi-Ariba+ (u-Ariba bekayindoda eqakatheke khulu hlangana nama-Anakhi). Akhenge kube nepi enarheni ngesikhatheso.+
