Jona 3:1-10
3 Ilizwi lakaJehova lafika kuJona kwesibili, lathi:+
2 “Vuka uye eNiniva+ idorobho elikhulu, umemezele umlayezo engizokutjela wona.”
3 Yeke uJona walalela ilizwi lakaJehova wavuka waya eNiniva.+ INiniva bekulidorobho elikhulu khulu, bekuthatha amalanga amathathu ukulizomba loke.
4 UJona wafika edorobhenelo, wathatha ikhambo lelanga linye amemezela athi: “Kusele amalanga ama-40 bona iNiniva itjhatjalaliswe.”
5 Abantu beNiniva bakholwa kuZimu,+ bamemezela bonyana kuzilwe ukudla begodu kumbathwe nemigodla kusukela komkhulu kufikela komncani.
6 Ikosi yeNiniva nayizwa umlayezo lo yasikima esihlalweni sayo sobukhosi, yahlubula isambatho sayo sobukhosi yambatha umgodla yahlala emlotheni.
7 Ngaphezu kwalokho, yakhupha umyalo eNiniva,“Ngomyalo wekosi neenkhulu zayo: Akunamuntu namkha isibandana, iinkomo namkha izimvu ekufuze zidle. Akukafuzi kudliwe namkha kuselwe amanzi.
8 Abantu abambathe imigodla neembandana zimbathiswe imigodla; babize uZimu ngokuthembeka begodu balise iindlela zabo ezimbi nemikghwabo yenturhu.
9 Ngubani owaziko ukuthi uZimu weqiniso angeze azisola na kilokho anqophe ukukwenza, alise ilaka lakhe elivuthako, bona singatjhatjalaliswa?”
10 UZimu weqiniso nakabona abakwenzileko, indlela abatjhuguluke ngayo eendleleni zabo ezimbi,+ wazisola ngehlekelele athi uzobalethela yona, akhenge asayiletha.+
