Jobho 34:1-37
34 Nje-ke u-Elihu waraga nokukhuluma wathi:
2 “Akhe ningilaleleni, nina enihlakaniphileko;Akhe ningizweni nina eninelwazi.
3 Ngombana indlebe ilalelisisa amezwi
Njengalokha ilimu nalinambitha ukudla.
4 Akhe sizihloleleni ngokwethu, sibone ukuthi khuyini emsulwa;Sizikhethele ngokwethu, ukuthi khuyini elungileko.
5 Ngombana uJobho bekathe, ‘Mina ngimsulwa,+Kodwana uZimu akhenge angenzele ubulungiswa.+
6 Kghani kufuze ngileye amala, ngithi akukafaneli ngahlulelwe ngendlela elungileko?
Inceba lami alilapheki, ngitjho nanyana ngingakenzi isono.’+
7 Ngimuphi umuntu ofana noJobho,Osela iinhlamba kwanga usela amanzi?
8 Umngani weenkhohlakaliBegodu uqhema nabantu abakhohlakeleko.+
9 Ngombana wathi, ‘Umuntu akunalitho alifumanakoNgokulinga ukuthabisa uZimu.’+
10 Akhe ningilaleleni, nina madoda azwisisako:
UZimu weqiniso angeze enza ukukhohlakala,+UMninimandla Woke akakwenzi okumbi!+
11 Ngombana uZimu upha umuntu umvuzo ngokwalokho akwenzileko+Begodu umupha okumfaneleko.
12 Kwamambala, uZimu akakwenzi ukukhohlakala;+UMninimandla Woke akabuhlanekezeli ubulungiswa.+
13 Alo-ke, ngubani ophe uZimu umsebenzi wokubusa iphasi,Ngubani ombeke bona atlhogomele iphasi loke?
14 Nange angajamelana nabantu,Begodu abuthelele imimoyabo nokuphefumula kwabo kuye,+
15 Boke abantu bebazokuhlongakala,Babuyele ethulini.+
16 Nje-ke nangabe uyazwisisa, akhutjheje nakhu;Ulalelisise engizokutjho.
17 Umuntu ohloye ubulungiswa angabusa na,Namkha ungamsola umuntu onamandla kodwana alungile?
18 Ungatjho na ekosini uthi, ‘Awunabubhadekelo,’Namkha utjele amakhosana uthi, ‘Niziinkhohlakali’?+
19 Munye kwaphela ongaboni amakhosana angcono kunabanyeAkabandlululi abatlhagileko kwabanjingileko,+Ngombana boke bamsebenzi wezandla zakhe.+
20 Phakathi nobusuku,+ bangahlongakala kungakalindeleki;+Bayawunawuneka bebatjhabalale;Ngitjho nabanamandla bayasuswa kodwana abasuswa mumuntu.*+
21 Ngombana amehlo kaZimu aqale izenzo zomuntu,+Ubona yoke into ayenzako.
22 Abenza izinto ezikhohlakeleko angeze bazifihla kuyeNgitjho nanyana bangaba sendaweni enzima tshu!+
23 UZimu akunamuntu ambekele isikhathiSokobana eze phambi kwakhe azokwahlulelwa.
24 Utjhabalalisa abanamandla ngaphandle kokuthi aphenyisiseAfake abanye abantu eendaweni zabo.+
25 Ngombana uyakwazi abakwenzako;+Ebusuku uyabahlula begodu abatjhabalalise.+
26 Ngebanga lokukhohlakala kwabo,Ubamadlha phambi kwabo boke abantu,+
27 Ngombana balisile ukumlandela+Begodu abayihloniphi imiyalwakhe;+
28 Ngombana benza abatlhagileko bamlilele,Begodu uyabezwa nabamlilela banganasizo.+
29 UZimu nakangathula, ngubani ongamsola?
Nakafihla ubuso bakhe, ngubani ongambona?
Lokha nakabufihlela isitjhaba nalokha nakabufihlela umuntu, umphumela uyafana,
30 Bona umuntu okhohlakeleko* angabusi+Namkha abekele abantu isithiyo.
31 Ukhona na ongathi kuZimu,‘Ngihlunguphaziwe, ngitjho nanyana ngingakoni;+
32 Ngitjengisa engingakwaziko;Bona nakunento embi engiyenzileko, ngingasayibuyelela.’
33 Ngombonwakho ucabanga ukuthi uZimu kufuze akunikele umvuzo ngebanga lokuthi awuvumelani naye?
Nguwe okufuze uqunte, ingasi mina.
Nje-ke ngitjela okwaziko.
34 Amadoda azwisisako nahlakaniphileko,Nakangizwako azokuthi,
35 ‘UJobho ukhulunyiswa kungazi,+Begodu amezwakhe awakahlakaniphi.’
36 UJobho akahlolwe*Ngombana iimpendulo zakhe zifana nezomuntu okhohlakeleko!
37 Naphezu kwesono anaso, usangezelela ngokuba lihlubuka;+Ubetha izandla ngokunyefula phambi kwethuUtjho namezwi amanengi aveza indlela asola ngayo uZimu weqiniso!+
Imitlolo Ephasi
^ NgesiHebheru, “ingasi ngesandla somuntu.”
^ Namkha “umuntu osihlubuki.”
^ Namkha kungenzeka “Zimu, uJobho lo akahlolwe.”
