Izaga 4:1-27
4 Lalelani isiyalo sakababa, madodanami;+Sitjhejeni bona nifumane ukuzwisisa,
2 Ngombana ngizoninikela isinqophiso esihle;Ningalahli ifundiswami.*+
3 Bengiyindodana elalela ubaba+Begodu ethandwa khulu ngumma.+
4 Ubaba wangifundisa wathi: “Kwanga ihliziywakho ingabambelela emezwinami.+
Phetha imiyalwami, uragele phambili uphila.+
5 Zuza ukuhlakanipha, zuza ukuzwisisa.+
Ungakhohlwa begodu ungaphambuki kilokho engikutjhoko.
6 Ungakulahli, kuzokuvikela.
Kuthande begodu kuzokuphephisa.
7 Ukuhlakanipha yinto eqakatheke khulu,+ nje-ke zuza ukuhlakanipha,Begodu kikho koke okuzuzako, zuza ukuzwisisa.+
8 Kuthathele phezulu, kuzokuphakamisa.+
Kuzokuhlonipha ngombana uyakuthanda.+
9 Kuzokubeka isihlohlo esihle ehlokwenakho;Kuzokuhlobisa ngesihlohlo sobuhle.”
10 Lalela ndodanami, wamukele engikutjhoko,Iminyaka yokuphila kwakho izokuba minengi.+
11 Ngizokufundisa indlela yokuhlakanipha;+Ngizokunqophisa bona wenze izinto ezilungileko.+
12 Nawukhambako, iinyawo zakho angekhe zibambeke;Begodu nawugijimako, angekhe uwe.
13 Bamba iseluleko; ungasilisi.+
Silonde ngombana sitjho ukuphila kwakho.+
14 Ungangeni endleleni yabakhohlakeleko,Begodu ungakhambi endleleni yabantu abambi.+
15 Ibalekele, ungakhambi ngayo;+Suka kiyo begodu uyidlule.+
16 Ngombana abakghoni ukulala bangakenzi okumbi.
Baphelelwa buthongo nabangakazwisi umuntu ubuhlungu.
17 Badla uburotho bokukhohlakala,Basela newayini lenturhu.
18 Kodwana indlela yabalungileko injengokukhanya kwekuseniOkukhanya kancanikancani bekube semini.+
19 Indlela yabakhohlakeleko ifana nobumnyama;Abazi ukuthi yini ebawisako.
20 Ndodanami, tjheja amezwami;Lalelisisa engikutjhoko.
21 Ungazikhohlwa;Azihlale ehliziywenakho,+
22 Ngombana zikuphila kilabo abazifumanako+Begodu imizimbabo izokuba nepilo.
23 Ngaphezu kwazo zoke izinto ozitjhejako, tjheja ihliziywakho,+Ngombana imithombo yokuphila ikiyo.
24 Susa ikulumo engakathembeki kuwe,+Nekulumo ekhohlisako ayibe kude nawe.
25 Amehlwakho kufuze aqale phambili,Uqale okuphambi kwakho.+
26 Susa iinqabo endlelenakho,+Begodu iindlela zakho zizokunqopha.
27 Ungayi ngesidleni namkha ngesinceleni.+
Susa iinyawo zakho kokumbi.
Imitlolo Ephasi
^ Namkha “umthethwami.”
