Isaya 63:1-19
63 Ngubani lo ovela kwa-Edomu,+EBhozira+ onezambatho ezinemibala ekhanyako,*
Ngilo onezambatho ezihle,Okhamba emandlenakhe amakhulu?
“Ngimi okhuluma ngokulunga,Onamandla amakhulu wokusindisa.”
2 Kubayini izambatho zakho zibomvu,Begodu kubayini izambatho zakho zinjengezaloyo otlhodlha iwayini?+
3 “Ngitlhodlhe iwayini endaweni yokutlhodlhela ngingedwa.
Bekunganamuntu ovela eentjhabeni obekanami.
Bengisolo ngigadanga amanabami ngisilingekile,Bengisolo ngigadanga amanabami ngebanga lelaka lami.+
Izambatho zami bezifafazwe ziingazi zawo,Ngasilaphaza zoke izambatho zami.
4 Ngombana ilanga lokuzibuyiselela lisehliziywenami,+Nomnyaka wabahlengiweko bami sele ufikile.
5 Ngaqala kodwana bekangekho ongangisiza;Ngadana ngombana bekangekho ongisekelako.
Yeke umkhonwami wangisindisa,+Begodu ilaka lami langisekela.
6 Ngigadange iintjhaba ngebanga lokusilingeka kwami,Ngazenza zadakwa ngebanga lokusilingeka kwami+Begodu ngathulula iingazi zazo ehlabathini.”
7 Ngizokukhuluma ngezenzo zakaJehova zethando elithembekileko,Ngezenzo zakaJehova ezifanele ukudunyiswa,Ngebanga lazo zoke izinto uJehova asenzele zona,+Izinto ezinengi ezihle azenze ngebanga lendlu ka-Israyeli,Ngesirhawu sakhe nangethando lakhe elithembekileko elikhulu.
8 Ngombana uthe: “Ngokuqinisekileko bababantu bami, amadodana azokuhlala athembekile.”+
Yeke ube Msindisabo.+
9 Kikho koke ukugandeleleka kwabo naye bekagandeleleka.+
Begodu isithunywa sakhe sabasindisa.*+
Ngethando lakhe nangesirhawu wabahlenga,+Wabaphakamisa bese wabathwala kiyo yoke imihla yekadeni.+
10 Bahlubuka+ begodu bazwisa ummoya ocwengileko ubuhlungu.+
Ngemva kwakho, waba linaba labo,+Begodu walwa nabo.+
11 Bakhumbula iinkhathi zakade,Iinkhathi zakaMosi incekwakhe:
“Uphi owabakhupha elwandle+ ngabelusi bomhlambakhe?+
Uphi owafaka kibo ummoyakhe ocwengileko,+
12 Loyo owenza isandla sakhe esiphazimulako sikhambe nesandla sakaMosi sangesidleni,+Loyo owahlukanisa amanzi phambi kwabo+Bona azenzele igama elihlala ngokungapheliko,+
13 Loyo owabenza bakhamba emanzini amanengi,Bakhamba bangakhutjwa,Njengenjomani enarheni evulekileko?
14 Njengefuyo eyehlela emrhobeni othabaleleko,Ummoya kaJehova wabenza baphumula.”+
Ubanqophise njalo abantu bakho,Bona uzenzele igama elihle.+
15 Qala phasi usezulwini uboneUsendawenakho ephakemeko yokucwengeka nephazimulo.
Iphi itjisekwakho nobukhulu bakho?
Usidime ithando lakho elidephilekoNesirhawu sakho.+
16 UnguBabethu;+Ngitjho nanyana u-Abrahama kungenzeka angasazi,U-Israyeli angasiboni,Wena Jehova unguBabethu.
UmHlengethu wekadeni, ligama lakho.+
17 Kubayini Jehova usivumela sihlahlathe eendleleni zakho?
Kubayini uvumela iinhliziyo zethu ziqine, bona singakusabi?+
Buya, ngebanga leenceku zakho,Iinkoro zelifa lakho.+
18 Abantu bakho abacwengileko balizuze kwesikhatjhana.
Amanabethu agadange indawakho ecwengileko.+
19 Kube sikhathi eside sinjengalabo ongakhenge ubuse phezu kwabo,Sinjengalabo abangakhenge babizwe ngegama lakho.
Imitlolo Ephasi
^ Namkha kungenzeka “ezibomvu.”
^ Namkha “ingilozi yokuba khona kwakhe yabasindisa.”
