Isaya 53:1-12
53 Ngubani okholwe into ayizwe kithi?*+
Begodu umkhono kaJehova+ uvezwe kubani?+
2 Uzokuvela njengehlumela+ phambi kwakhe,* njengomrabhu enarheni eyomileko.
Akaqaleki njengomuntu okhethekileko namkha okarisako;+Begodu nasimbonako indlela aqaleka ngayo ayisitjhidezi kuye.
3 Bekanyenywa begodu agegedwa babantu,+Umuntu obekazi ubuhlungu begodu ajayelene nokugula.
Bekungathi sifihlelwe ubuso bakhe.*
Bekanyenywa begodu sambamba ngaphandle kwesizathu.+
4 Ngokuqinisekileko wathwala ukugula kwethu,+Wathwala nobuhlungu bethu.+
Kodwana samqala njengomuntu obetjhwe ngesibetho, ojeziswe nguZimu nosesizini.
5 Kodwana wahlatjwa+ ngebanga lemitjhaphwethu;+Waphahlazwa ngebanga lemitjhaphwethu.+
Wathwala isijeziso bona sibe nokuthula,+Ngebanga lamancebakhe, salatjhwa.+
6 Soke sazulazula njengezimvu,+Omunye nomunye watjhinga endlelenakhe,Begodu uJehova wabeka imitjhaphwethu yoke phezu kwakhe.+
7 Bekagandelelekile+ begodu wavumela bona azwiswe ubuhlungu,+Kodwana akhenge avule umlomakhe.
Bekanjengemvu elethwe bona izokuhlatjwa,+Njengemvu esikazi ethulileko phambi kwabarhuni bayo,Begodu akhenge avule umlomakhe.+
8 Ngebanga lokugandelelwa nokwahlulelwa, wathathwa;Ngubani ozozitshwenya ngemininingwana yesizukulwana sakhe?
Waquntwa enarheni yabaphilako;+Ngebanga lemitjhapho yabantu bami, wabetjhwa.*+
9 Wanikelwa ithuna nabantu abakhohlakeleko,+Wabulungwa nabantu abaregileko,+Ngitjho nanyana bekangakenzi litho elimbiBegodu bekunganakohliso emlonyenakhe.+
10 Kodwana bekuyintando kaJehova bona atlhoriswe begodu wamvumela bona agule.
Nange unikela ngokuphila kwakhe njengomnikelo womlandu,+Uzokubona isizukulwana sakhe, uzokwandisa amalangakhe,+Ithabo lakaJehova lizokuphumelela ngaye.+
11 Ngebanga lesizi lakhe, uzokubona bese aneliseke.
Ngelwazi lakhe olungileko, incekwami,+Uzokuletha ukulunga ebantwini abanengi,+Begodu uzokuthwala izono zabo.+
12 Ngebangelo ngizomnikela isabelo hlangana nabanengi,Begodu uzokwabelana izinto ezifunyenwe epini nabanamandla,Ngombana wanikela ngokuphila kwakhe+Wabalwa hlangana nezoni;+Wathwala isono sabantu abanengi,+Begodu wancengela izoni.+
Imitlolo Ephasi
^ Namkha kungenzeka “esikuzwileko.”
^ “Ukwakhe” angaqalisela emuntwini obukeleko namkha kuZimu.
^ Namkha bekanjengomuntu abantu ebebamfulathela.
^ Namkha “wabulawa.”
