Isaya 45:1-25
45 Ngilokhu uJehova akutjhoko kozesiwekwakhe uKoretjhi,+Engibambe isandla sakhe sangesidleni+Bona ngihlule iintjhaba phambi kwakhe,+Ngitjhaphulule amakhosi,Ngivule iminyango phambi kwakhe,Bona amasango angavalwa:
2 “Ngizokukhamba phambi kwakho,+Begodu ngizokuleleza imibundu.
Iminyango yekhopha ngizoyiphula ibe ziinquntu,Begodu iminyango yesimbi ngizoyiphula.+
3 Ngizokupha amagugu asebumnyameniAmagugu afihliweko eendaweni ezifihlekileko,+Bona wazi ukuthi nginguJehova,UZimu ka-Israyeli, okubiza ngegama lakho.+
4 Ngebanga lencekwami uJakopo no-Israyeli okhethiwekwami,Ngikubiza ngegama lakho.
Ngikupha igama elihlonitjhwako, ngitjho nanyana ungangazi.
5 NginguJehova, akekho omunye.
AkunaZimu ngaphandle kwami.+
Ngizokuqinisa ngitjho nanyana ungangazi,
6 Bona abantu bazi ukuthiKusukela ekuphumeni kwelanga beliyokutjhingaAkekho omunye ngaphandle kwami.+
NginguJehova, akekho omunye.+
7 Ngenza ukukhanya+ begodu ngidale ubumnyama,+Ngenza ukuthula,+ ngidale ihlekelele;+Mina Jehova, ngenza zoke izintwezi.
8 Wena zulu, ina uvela phezulu;+Amafu awathulule ukulunga.
Iphasi alivuleke begodu lizale isindiso,Alenze ukulunga kuhlume ngesikhathi esifanako.+
Mina Jehova, ngikudalile.”
9 Maye! Kiloyo ophikisana noMenzakhe,Ngombana uyingcenyana eyenziwe ngomdakaHlangana nezinye iingcenye ezenziwe ngomdaka eziphasi!
Kghani kufuze umdakauthi kuMbumbawo:“Wenza ini?”+
Namkha umsebenzakho uthi: “Akanazandla”?*
10 Maye! Kiloyo othi kubaba: “Ungubaba wani?”
Naloyo othi kumma: “Ubeletha ini?”
11 Ngilokhu uJehova oCwengileko ka-Israyeli,+ loyo ombumbileko akutjhoko:
“Ungaphikisana nami ngezinto ezizakoBegodu ungiyale ngamadodanami+ nemisebenzi yezandla zami?
12 Ngenze iphasi+ begodu ngadala nomuntu okilo.+
Ngilule izulu ngezandla zami,+Begodu nginikela loke ibutho lalo iinqophiso.”+
13 “Ngilungise umuntu ngokulunga,+Begodu ngizokwenza zoke iindlela zakhe zinqophe.
Nguye ozokwakha idorobho lami+Begodu atjhaphulule abadingisiweko bami+ ngaphandle kwentengo namkha isifumbathiso,”+ kutjho uJehova wamabutho.
14 UJehova uthi:
“Inzuzo yeGibhide nezinto ezithengiswako zeTopiya nabantu abade beSeba,Bazokuza kuwe begodu bazokuba ngebakho.
Bazokukhamba emva kwakho babotjhwe ngamaketani.
Bazokuza begodu bakhothame kuwe.+
Bazokuthi kuwe ngomthandazo, ‘Ngokuqinisekileko uZimu unawe,+Akekho omunye; akekho omunye uZimu.’”
15 Ngokuqinisekileko unguZimu ozifihlako,Maye! Zimu ka-Israyeli, Msindisi.+
16 Boke bazokuphathiswa iinhloni bese bahlaziswe;Boke abenzi beenthombe bazokukhamba bahlazisekile.+
17 Kodwana u-Israyeli uzokusindiswa nguJehova ngesindiso yaphakade.+
Angeze uphathiswe iinhloni namkha uhlaziswe ngokungapheliko.+
18 Nakhu uJehova akutjhoko,UMdali wezulu,+ uZimu weqiniso,Loyo owadala iphasi, uMenzalo owalidzimelelisa,+Ongakhenge alidalele ilize, olenze bona kuhlalwe kilo:+
“NginguJehova, akekho omunye.
19 Akhenge ngikhulume endaweni efihlekileko+ enarheni yobumnyama;Akhenge ngithi esizukulwaneni sakaJakopo,‘Ningangifuneli into engekho.’
NginguJehova, okhuluma okulungileko nomemezela okulungileko.+
20 Hlanganani ndawonye begodu nize.
Yizani nihlangene nina ababaleke eentjhabeni.+
Abazi litho labo abakhamba baphethe iinthombe ezibaziwekoNabathandaza kuzimu ongeze abasindise.+
21 Lethani umbikweni, nibike umlandwenu.
Ababonisane ndawonye ngobunye.
Ngubani owabikezela lokhu kusukela kadeBese wamemezela ngakho eenkhathini zakade?
Akusingimi na, uJehova?
Akekho omunye uZimu ngaphandle kwami;UZimu olungileko noMsindisi,+ akekho omunye ngaphandle kwami.+
22 Buyani kimi bese nisindiswe,+ noke nina enisemaphethelweni wephasi,Ngombana nginguZimu, akekho omunye.+
23 Ngombana ngifunge ngami;Ilizwi liphume emlonyenami ngokulunga,Begodu angekhe libuyele emva:+
Woke amadolo azokuguqa phambi kwami,Begodu woke umuntu uzokufunga bona uzokuthembeka kimi+
24 Bathi, ‘Ngokuqinisekileko kuJehova kunokulunga namandla.
Boke abamkwateleko bazokubuya kuye bahlazisekile.
25 Soke isizukulwana saka-Israyeli sizozibonakalisa silungile kuJehova,+Begodu sizozikhakhazisa ngaye.’”
Imitlolo Ephasi
^ Namkha kungenzeka “Kghani umdaka kufuze uthi: “Umsebenzakho awunambambo.”
