Eksodusi 15:1-27
15 Ngesikhatheso uMosi nama-Israyeli babhinela uJehova ingoma le:+
“Angibhinele uJehova ngombana uphakeme khulu.+
Injomani nomkhwelayo ubaphosele ngelwandle.+
2 UJah* umamandlami njengombana abe yisindiswami.+
Lo nguZimami, ngizomdumisa;+ nguZimu kababa,+ ngizomphakamisa.+
3 UJehova lisotja elinamandla.+ NguJehova igama lakhe.+
4 Iinkarana zakaFaro zepi namabuthwakhe uwaphosele ngelwandle,+Amasotjakhe aphuma phambili acwile eLwandle eliBomvu.+
5 Amagagasi abagubuzesa; bacwila njengelitje.+
6 Jehova isandla sakho sangesidleni sinamandla khulu;+Jehova isandla sakho sangesidleni singaphadlha inaba.
7 Ngamandlakho amakhulu ungakghona ukuphosela phasi abajamelana nawe;+Uthumela ilaka lakho libadle njengomhlanga.
8 Ngommoya ophuma eempumulweni zakho amanzi abuthanela ndawonye;Ajama aba njengeboda;Phakathi kwelwandle amanzi aqina.
9 Inaba lithe: ‘Ngizobagijimisa! Ngizobathola!
Ngizokuhlukanisa ipahla efunyenwe epini benganeliseke!
Ngizokukhupha isabula! Isandla sami sizobahlula!’+
10 Uvuthele ummoyakho, ilwandle labagubuzesa;+
Bacwila njengesimbi elwandle elinamandla.
11 Hlangana nabozimu, ngubani onjengawe Jehova?+
Ngubani ocwengeke njengawe?+
Osatjwako nodunyiswa ngeengoma nowenza iimangaliso?+
12 Welule isandla sakho sangesidleni, iphasi labaginya.+
13 Ngethando lakho unqophise abantu obahlengileko+Ngamandlakho uzobanqophisela endawenakho ecwengileko.
14 Abantu bazokuzwa,+ bahlengezele;AmaFilista azokubanjwa kukwesaba.
15 Ngesikhatheso amakhosana wakwa-Edomu azokusaba,Ababusi abanamandla bakwaMowabi bazokuhlengezela.+
Zoke izakhamuzi zeKanana zizokuphelelwa mamandla.+
16 Bazokwehlelwa kukwesaba.+
Ngebanga lomkhonwakho onamandla, bazokujama bangasikinyeki njengelitjeBekudlule abantu bakho Jehova,Bekudlule+ abantu bakho obenzileko.+
17 Uzobaletha ubabeke entabeni yelifa lakho,+Endaweni oyenzileko wazilungiselela yona bona uhlale kiyo Jehova.Indawo ecwengileko oyenze ngezandla zakho Jehova.
18 UJehova uzokuba yikosi ngokungapheliko.+
19 Iinjomani zakaFaro neenkarana zakhe zepi namasotjakhe akhamba ngeenjomani nakangena ngelwandle+UJehova wabuyisa amanzi phezu kwazo,+Kodwana ama-Israyeli akhamba endaweni eyomileko phakathi nelwandle.”+
20 UMiriyamu umphorofidikazi, ongudadwabo ka-Aroni, wathatha abosotjherere begodu boke abafazi bamlandela ngemva baphethe abosotjherere bagida.
21 UMiriyamu wahlanganyela namadoda ekubhineni bathi:
“Bhinelani uJehova ngombana uphakeme khulu.+
Injomani nomkhweli wayo ubalahlele ngelwandle.”+
22 Kamva uMosi warhola ama-Israyeli basuka eLwandle eliBomvu batjhinga emmangweni weTjhuri begodu bakhamba amalanga amathathu emmangwenapho kodwana akhenge bafumane amanzi.
23 Bafika eMara*+ kodwana akhenge bakghone ukusela amanzi wakhona ngombana bewanetswayi. Kungebangelo bayithiya ngokuthi yiMara.
24 Abantu bathoma ukunghonghoyila ngoMosi,+ bathi: “Alo sizokuselani?”
25 Walilela uJehova,+ uJehova wamtjengisa umuthi. Nje-ke wawuthatha wawuphosela ngemanzini, amanzi akghona ukuseleka.
UZimu wabanikela umthetho bona kube sibonelo, ukwenzela ukuthi bazi isahlulelo sakhe, wabalinga lapho afuna ukubona ukuthi bazomlalela na.+
26 UZimu wathi: “Nange ningalalela uJehova uZimenu, nenze okulungileko emehlwenakhe nilalele imithetho neenqophiso+ zakhe, angeze nginibethe ngananyana ngikuphi ukugula engabetha ngakho amaGibhide+ ngombana nginguJehova, ngimi onilaphako.”+
27 Ngemva kwalokho beza e-Elimu lapho bekunemithombo yamanzi eli-12 nemithi yesundu ema-70. Bahloma amatendabo lapho eduze namanzi.
