AmaRhubo 97:1-12
97 UJehova uyiKosi!+
Iphasi alithabe.+
Iinhlengele ezinengi azijekezele.+
2 Amafu nobumnyama obukhulu bumbhodile;+Isisekelo sobukhosi bakhe kulunga nobulungiswa.+
3 Phambi kwakhe kunomlilo+Orhiribidela amanabakhe mahlangothi woke.+
4 Umbanakhe ukhanyisa inarha;Iphasi liyawubona lihlengezele.+
5 Iintaba zincibilika njengamafutha weliju akghadzileko phambi kwakaJehova,+Phambi kweKosi yephasi loke.
6 Izulu limemezela ukulunga kwakhe,Begodu zoke iintjhaba zibona iphazimulwakhe.+
7 Boke abalotjha isithombe esibaziweko abahlaziswe,+Labo abazikhakhazisa ngabozimu babo abalilize.+
Mkhothameleni noke nina bozimu.+
8 Iziyoni iyezwa, ijekezele;+Amadorobho* wakwaJuda athabileNgebanga lezahlulelo zakho Jehova.+
9 Ngombana wena Jehova ungoPhezukoke ephasini loke;Uphakeme khulu ukubadlula boke abanye abozimu.+
10 Maye! Nina abathanda uJehova, hloyani okumbi.+
Utjheja ukuphila kwabathembekileko bakhe;+Ubahlangula esandleni sokhohlakeleko.+
11 Umkhanyo ukhanyisela abalungileko+Nalabo abaneenhliziyo ezilungileko bayathaba.
12 Thabani ngoJehova nina enilungileko,Thokozani negama lakhe elicwengileko.*
