AmaRhubo 86:1-17
Umthandazo kaDavida.
86 Maye! Jehova ngilalelisisa,* ungiphendule,Ngombana ngihlunguphazekile, ngitlhagile.+
2 Vikela ukuphila kwami ngombana ngithembekile.+
Sindisa incekwakho ethembela kuwe,Ngombana wena unguZimami.+
3 Maye! Jehova, yiba nomusa kimi,+Ngombana ngibiza wena ilanga loke.+
4 Yenza incekwakho* ithabe,Ngombana ngiqale kuwe Jehova.
5 Maye! Jehova, umuhle,+ ukulungele nokulibalela;+Ubathanda* khulu boke abakubizako.+
6 Maye! Jehova, lalela umthandazwami;Ungitjheje nangibawa isizo.+
7 Nangigandelelekileko ngibiza wena,+Ngombana uzongiphendula.+
8 Maye! Jehova akekho ofana nawe hlangana nabozimu,+Ayikho imisebenzi enjengeyakho.+
9 Maye! Jehova, zoke iintjhaba ozenzilekoZizokuza zikhothame phambi kwakho,+Zizokuphazimulisa igama lakho.+
10 Wena umkhulu, wenza nezinto ezimangalisako;+Wena wedwa unguZimu.+
11 Maye! Jehova, ngifundisa indlelakho.+
Ngizokukhamba eqinisweni lakho.+
Ngenze ngisabe igama lakho ngehliziywami yoke.+
12 Maye! Jehova Zimami, ngikudumisa ngehliziywami yoke,+Ngizokuphazimulisa igama lakho ngokungapheliko,
13 Ngombana ungithanda* khulu,Begodu usindisa ukuphila kwami* ekuzikeni kweThuna.*+
14 Maye! Zimu, abantu abagagamelako baphikisana nami;+Isiqhema sabantu abanelunya sifuna ukungibulala,Begodu abanandaba nawe.+
15 Kodwana wena Jehova unguZimu onesirhawu nomusa,Awusilingeki msinya, unethando elikhulu,* uthembekile.*+
16 Phendukela kimi, ube nomusa kimi.+
Nikela incekwakho amandlakho,+Usindise nendodana yencekukazakho.
17 Ngitjengisa itshwayo lobuhle bakho,Bona abangihloyako balibone bese bahlaziswe.
Ngombana wena Jehova umsizami nomduduzami.
Imitlolo Ephasi
^ Namkha “Khothama ungilalele.”
^ Namkha “umphefumulo wencekwakho.”
^ Namkha “ithando lakho elithembekileko likhulu kilabo abakubizako.”
^ Namkha “umphefumulwami.”
^ Namkha “kweTjhiyoli.” Qala Ihlathululo.
^ Namkha “ithando lakho elithembekileko likhulu kimi.”
^ Namkha “unethando elithembekileko.”
^ Namkha “neqiniso.”
