AmaRhubo 58:1-11
-
KunoZimu owahlulela iphasi
-
Umthandazo wokujezisa abakhohlakeleko (6-8)
-
Kumnqophisi; lizokuvunywa ngendlela yengoma ethi, “Ungatjhabalalisi.” Irhubo lakaDavida. IMikitamu.*
58 Ningakhuluma na ngokulunga nithulile?+
Ningahlulela na ngokulunga, nina madodana wabantu?+
2 Kunalokho, nihlela ukungalungi eenhliziyweni zenu,+Begodu izandla zenu zirhatjha inturhu enarheni.+
3 Abakhohlakeleko bayahlahlatha kusukela ngelanga ababelethwa ngalo;Bamahlongandlebe, banamala kusukela ekubelethweni kwabo.
4 Itjhefabo injengetjhefu yeenyoka;+Abezwa njengekhobhra evale indlebayo.
5 Angekhe ilalele ilizwi labosomlingo,Ngitjho nanyana banobukghoni obungangani.
6 Maye! Zimu, babethe ubakhuphe amazinyo.
Jehova, phula imihlathi yamabhubezi la!
7 Kwanga banganyamalala njengamanzi omako.
Kwanga uZimu angagoba umsubelakhe abawise ngemicibitjholwakhe.
8 Kwanga bangaba njengomneke oncibilikako njengombana ukhamba;Njengomntwana obelethwa ahlongakele ongakhenge alibone ilanga.
9 Ngaphambi kobana iimpoto zakho zokupheka zizwe umlilo womuthi wameva,Uzokuthanyela ihlumela elimanzi nelitjhako, njengokungathi ngesiwuruwuru.+
10 Olungileko uzokuthaba ngombana ubone ukuzibuyiselela kwakaZimu;+Iinyawo zakhe zizokumanziswa ziingazi zabakhohlakeleko.+
11 Yeke abantu bazokuthi: “Nangambala abalungileko bazokufumana umvuzo.+
Kwamambala kunoZimu owahlulelako ephasini.”+
Imitlolo Ephasi
^ Qala Ihlathululo.
