AmaRhubo 52:1-9
Kumnqophisi. IMaskili.* Irhubo lakaDavida, lokha uDowegi umEdomu nakayokutjela uSawula bona uDavida uye endlini ka-Arhimeleki.
52 Kubayini uzikhakhazisa ngezenzo zakho ezimbi, wena ngorho?+
Ithando lakaZimu elithembekileko lihlala ilanga loke.+
2 Ilimu lakho libukhali njengotjhefana,+Liluka amano alimazako, liyakhohlisa.+
3 Uthanda okumbi ukudlula okulungileko,Uthanda ukukhuluma amala kunokukhuluma iqiniso. (Sela)
4 Uthanda woke amezwi alimazako,Wena limu elikhohlisako!
5 Kungebangelo uZimu azokugiriza aqede ngawe;+Uzokuhlwitha akuse kude netende lakho;+Uzokusiphula enarheni yabaphilako.+ (Sela)
6 Abalungileko bazokubona lokho basabe,+Begodu bazokuhleka bathi:+
7 “Nangu umuntu ongakhenge enze uZimu isiphephelo sakhe,+Kodwana othembele ebunjingeni bakhe obukhulu+
Begodu wathemba amanwakhe amambi.”
8 Kodwana mina ngizokuba njengomuthi we-oliva othelako endlini kaZimu;Ithemba lami lisethandweni lakaZimu,*+ ngokungapheliko.
9 Ngizokudumisa ngokungapheliko ngebanga lezinto ozenzileko;+Phambi kwabathembekileko bakho,Ngizokuthembela egameni lakho+ ngombana lihle.
