AmaRhubo 44:1-26
Kumnqophisi. Irhubo lamadodana kaKhorarhi. IMaskili.*
44 Maye! Zimu, sizizwele ngeendlebe zethu,Abokhokho bethu basitjelile,+Ngezinto owazenza emihlenabo,Ekadeni.
2 Waqotha iintjhaba ngesandla sakho+Wahlalisa abokhokho bethu lapho.+
Watshidlha iintjhaba begodu waziqotha.+
3 Akhenge bathumbe inarha ngesabulabo,+Begodu akhenge bahlule ngemikhonwabo.+
Kunalokho, bekungesandla sakho sokudla, umkhonwakho+ nokukhanya kobuso bakho,Ngombana bewubathanda.+
4 Maye! Zimu, uyiKosami;+Nikela umyalo wokuthi uJakopo ahlule ngokupheleleko.
5 Ngamandlakho sizokuqotha amanabethu abuyele emva;+Ngegama lakho sizokugadanga abalwa nathi.+
6 Ngombana angikathembeli emsubelenami,Nesabulami angekhe ingisindise.+
7 Nguwe owasisindisa emanabenethu,+Nguwe owahlazisa abasihloyako.
8 Sizokudumisa uZimu ilanga loke,Begodu sizokuthokoza igama lakho ngokungapheliko. (Sela)
9 Kodwana nje usilahlile begodu usihlazisile,Awuphumi namabuthwethu.
10 Usenza sihlehle phambi kwenaba lethu;+Labo abasihloyako bathatha nanyana yini abayifunako.
11 Usinikela bona sirhiribidelwe njengezimvu;Usirhatjhe hlangana neentjhaba.+
12 Uthengisa abantu bakho ngemali ephasi khulu;+Awenzi nenzuzo ekubathengiseni.
13 Usenza sibe yinto yokunyazwa bomakhelwana bethu,Into yokuhlekwa neyokudelelwa kibo boke abasibhodileko.
14 Usenza sibe yinto yokunyefulwa* hlangana neentjhaba,+Into iintjhaba eziyinikinela iinhloko.
15 Ngizizwa ngehliswe isithunzi ilanga loke,Ihlazo lami lingiqeda amandla,
16 Ngebanga letjhada lokuthukana neenhlamba zabo,Ngebanga lenabalethu eliziphindiselako.
17 Sehlelwe ngikho koke lokhu, nanyana kunjalo asikakukhohlwa,Begodu asikasiphuli isivumelwano sakho.+
18 Ihliziywethu ayikaphambuki;Asikaphumi endlelenakho.
19 Kodwana usitshidlhele lapho kuhlala iimpungutjha khona;Usigubuzese ngesithunzi esimnyama.
20 Nangabe silikhohliwe igama lakaZimethu
Namkha nangabe siphakamisa izandla zethu sithandaze kuzimu wesinye isitjhaba,
21 Kghani uZimu angekhe akubone lokhu?
Uyazazi iimfihlo ezisehliziyweni.+
22 Ngebanga lakho siyabulawa ilanga loke;Sithathwa njengezimvu eziyokuhlatjwa.+
23 Vuka. Kubayini usolo ulele, Jehova?+
Phaphama! Ungasilahli unomphela.+
24 Kubayini ufihla ubuso bakho?
Kubayini ukhohlwa ukuhlunguphazeka nokugandeleleka kwethu?
25 Ngombana sehliselwe ethulini;Imizimbethu igandelelwe phasi.+
26 Sikima njengomsizethu!+
Sisindisa* ngebanga lethando lakho.*+
Imitlolo Ephasi
^ Qala Ihlathululo.
^ NgesiHebheru, “sibe sisaga.”
^ NgesiHebheru, “Sihlangula.”
^ Namkha “lethando lakho elithembekileko.”
