AmaRhubo 18:1-50
Kumnqophisi. Ingoma kaDavida inceku kaJehova, ayibhinela uJehova mzukwana uJehova amhlenga esandleni sawo woke amanabakhe nesandleni sakaSawula. Wathi:
18 Maye! Jehova, ngikuthanda kangangani ngombana umamandlami.+
2 UJehova ulidwala lami nendawami evikelekileko begodu nguye ongihlengako.+
UZimami ulidwala lami+ engiphephela kilo,Usihlangu sami nephondo lami lesindiso, isiphephelo sami esivikelekileko.+
3 Ngibiza uJehova, ofanelwe kudunyiswa,Ngizokusindiswa emanabenami.+
4 Ngezwa ngasuthi ngitantelwe ziintambo zokufa;+Ngathuswa ziinkhukhula zabantu abangazisiko.+
5 Ngatantelwa ziintambo zeThuna;*Ngasahlelwa ziinthiyo zokufa.+
6 Ngabiza uJehova ngigandelelekile,Ngasolo ngililela uZimami bona angisize.
Walizwa ilizwi lami asethempelini lakhe,+Nokulilela kwami isizo lakhe kwafika eendlebeni zakhe.+
7 Yeke iphasi lathoma ukudengezela nokusikinyeka;+Iinsekelo zeentaba zahlengezelaZadengezela ngombana bekasilingekile.+
8 Kwaphuma intuthu eempumulweni zakhe,Kwaphuma umlilo otjhabalalisako ngemlonyenakhe;+Amalahle avuthako aphambi kwakhe.
9 Nakehlako wagoba izulu,+Ngaphasi kweenyawo zakhe bekunamafu anzima tshu!+
10 Weza aphapha akhwele ikherubhi.+
Wehla msinyana ngamaphiko wengilozi.*+
11 Ngemva kwalokho, wazigubuzesa ngobumnyama,+Bambhoda njengetende,Emanzini amnyama nemafini wezulu anzima.+
12 Ekukhanyeni okuphambi kwakheKwaphuma isinanja namalahle avuthako emafini.
13 Ngemva kwalokho, uJehova wathoma ukuraramba ezulwini;+OPhezukoke wenza iphimbo lakhe lazwakala+Ngesinanja nangamalahle avuthako.
14 Wadumuza imicibitjholwakhe, wabaphadlhalaja;+Waphosa umbanakhe, wabatjharaganisa.+
15 Imisele yamanzi yabonakala;+Iinsekelo zenarha zavela ebaleni ngokhalinywa nguJehova,Ngokuvuthela komoya wepumulwakho.+
16 Walulela isandla sakhe phasi;Wangibamba wangikhupha emanzini atjhingako.+
17 Wangisindisa enabeni lami elinamandla,+Kilabo abangihloyako, ebebanamandla ukudlula mina.+
18 Bangisahlela ngelanga ngivelelwe yihlekelele,+Kodwana uJehova wangisekela.
19 Wangikhuphela endaweni evikelekileko;Wangisindisa ngombana bekangithanda.+
20 UJehova unginikela umvuzo ngokuya ngokulunga kwami;+Ungibusisa ngokuya ngobumsulwa bezandla zami.*+
21 Ngombana bengisolo ngikhamba eendleleni zakaJehova,Akhenge ngimlahle ngenze okukhohlakeleko.
22 Zoke izahlulelo zakhe ziphambi kwami;Angekhe ngiyidelele imiyalwakhe.
23 Ngizokuhlala ngingasoleki phambi kwakhe,+Ngizozibamba bona ngingenzi umtjhapho.+
24 Kwanga uJehova angangibusisa ngokuya ngokulunga kwami,+Ngokuya ngobumsulwa bezandla zami phambi kwakhe.+
25 Kothembekileko wenza ngokuthembeka;+Emuntwini ongasolekiko wenza ngokungasoleki;+
26 Kwabamsulwa uba msulwa,+Kodwana kokhohlisako wena angeze wakhohliswa.+
27 Ngombana usindisa abathobekileko+Kodwana wehlisa abazikhakhazisako.+
28 Ngombana nguwe Jehova okhanyisa isibani sami,Nguwe Zimami okhanyisa ubumnyama bami.+
29 Ngesizo lakho ngingagijimisa isiqhema sabadlelezeli;+Ngamandla kaZimu ngingakhwela iboda.+
30 Indlela kaZimu weqiniso iphelele;+Amezwi kaJehova acwengile.+
Usiviko sabo boke abaphephela kuye.+
31 Ngombana ngubani onguZimu ngaphandle kwakaJehova?+
Ngubani olidwala ngaphandle kwakaZimethu?+
32 UZimu weqiniso nguye ongimbathisa amandla,+Uzokwenza indlelami iphelele.+
33 Wenza iinyawo zami zibe njengezeqina;Ungijamisa eendaweni eziphakemeko.+
34 Izandla zami uzibandulela ipi;Imikhonwami ingagoba umsebe wekhopha.
35 Unginikela isihlangu sakho sesindiso,+Isandla sakho sokudla siyangisekela,Ukuthobeka kwakho kungenza ngibe mkhulu.+
36 Wenza indlelami ibe banzi;Iinyawo zami angeze zitjhelele.+
37 Ngizokugijimisa amanabami bengiwabambe;Angeze ngibuye angakatjhatjalaliswa.
38 Ngizowatshidlha bona angasavuki;+Azokuwela ngaphasi kweenyawo zami.
39 Uzongipha amandla bona ngilungele ipi;Uzokwenza amanabami awele ngaphasi kwami.+
40 Uzokwenza amanabami abuyele emva,*Ngizobaqeda* abangihloyako.+
41 Balilela isizo kodwana akekho ongabasindisa;Balilela ngitjho noJehova kodwana akabaphenduli.
42 Ngizobatshidlha basileke njengethuli emoyeni;Ngizobalahlela ngaphandle njengedaka eendleleni.
43 Uzongihlenga ebantwini abafuna umtjhapho.+
Uzongibeka ngibe yihloko yeentjhaba.+
Isitjhaba engingasaziko sizongisebenzela.+
44 Ngokuzwa umbiko nje kwaphela zizongilalela;Abantu abavela kwenye inarha bazokuza baguqe phambi kwami bathukiwe.+
45 Abantu abavela kwenye inarha bazokuphelelwa sibindi;*Bazokuza bahlengezela bavela eendaweni zabo ezivikelekileko.
46 UJehova uyaphila! Alidunyiswe iDwala lami!+
UZimu wesindiswami akaphakanyiswe.+
47 UZimu weqiniso uyangibuyiselela emanabenami;+Wenza iintjhaba zizithobe ngaphasi kwami.
48 Uyangisindisa emanabenami asilingekileko;Ungiphakamisa ngibe ngaphezu kwalabo abangisahlelako;+Ungisindisa emuntwini wenturhu.
49 Kungebangelo ngizokuphazimulisa hlangana neentjhaba Jehova,+Ngizokubhinela igama lakho iindumiso.+
50 Wenzela ikosi ayibekileko izenzo zesindiso ezikulu;+Uthanda ozesiweko* wakhe,+KuDavida nesizukulwaneni sakhe ngokungapheliko.+
Imitlolo Ephasi
^ Namkha “zeTjhiyoli.” Qala Ihlathululo.
^ NgesiHebheru, “ngamaphiko wommoya.”
^ NgesiHebheru, “ngokuhlanzeka kwezandla zami.”
^ Namkha “Uzonginikela imihlana yamanabami.”
^ NgesiHebheru, “ngizokuthulisa.”
^ Namkha “mamandla.”
^ Namkha “utjengisa ithando lakhe elithembekileko kozesiweko.”
