AmaRhubo 141:1-10
Ingoma kaDavida.
141 Maye! Jehova, ngiyakubiza.+
Yiza msinya uzongisiza.+
Ngilalelisisa nangikubizako.+
2 Kwanga umthandazwami ungaba njengepepho+ phambi kwakho,+Izandla zami engiziphakamisileko zibe njengomnikelo weenthoro wantambama.+
3 Maye! Jehova, ngisiza ngilawule amezwami,Ngisiza bona ngitjheje engikutjhoko.+
4 Ungavumeli ihliziywami bona inamathele ezintweni ezimbi,+Bona ihlanganyele ezintweni ezinyenyisako nabantu abambi;Ungangivumeli ngidle iimbiliboco zabo.
5 Nangibethwa ngolungileko, kuzokuba sisenzo sethando elithembekileko;+Nakangangisola, kuzokuba njengamafutha ehlokwami,+Ihlokwami engekhe yawala.+
Umthandazwami uzokuragela phambili nalokha baqalene neenhlekelele.
6 Ngitjho nanyana abahluleli babo baphoswa phasi basuka eliweni,Abantu bazokulalela amezwami ngombana ayathabisa.
7 Njengalokha umuntu nakalimako, avule ihlabathi,Amathambethu arhatjheke emlonyeni weThuna.*
8 Maye! Kosi ePhakemeko Jehova, amehlwami aqale wena.+
Ngiphephela kuwe.
Ungathathi ukuphila kwami.
9 Ngivikela emihlathini yesithiyo abangibekele sona,Eenthiyweni zabenza okumbi.
10 Boke abakhohlakeleko bazokuwela emanedenabo+Kukulapho ngidlula ngokuphepha.
Imitlolo Ephasi
^ Namkha “weTjhiyoli.” Qala Ihlathululo.
