AmaRhubo 140:1-13
Kumnqophisi. Ingoma kaDavida.
140 Maye! Jehova, ngihlenga ebantwini abambi;Ngivikela ebantwini abanenturhu,+
2 Labo abaluka amano amambi eenhliziyweni zabo+Begodu babanga umraro ilanga loke.
3 Balola ilimu labo libe njengelenyoka;+Itjhefu yeenyoka isemilonyenabo.+ (Sela)
4 Maye! Jehova, ngivikela ezandleni zabakhohlakeleko;+Ngiphephisa ebantwini abanenturhu,Abaluka amano wokungilimaza.
5 Abazikhakhazisako bangenzele isithiyo;Bandlale inede eqadi kwendlela ngeentambo.+
Bangenzele iinthiyo. (Sela)
6 Ngithi kuJehova: “UnguZimami.
Maye! Jehova, ngilalela nangibawa isizo.”+
7 Maye! Jehova Kosi ePhakemeko, Msindisami onamandla,Uvikela ihlokwami ngelanga lepi.+
8 Maye! Jehova, ungavumeli iimfiso zabakhohlakeleko.
Ungavumeli amano wabo aphumelele bona bangadunyiswa. (Sela)+
9 Kwanga iinhloko zalabo abangibhodilekoZingagubuzeswa zizinto ezimbi eziphuma emilonyenabo.+
10 Kwanga amalahle avuthako angawela phezu kwabo.+
Kwanga bangaphoselwa emlilweni,Emigodini ezikileko,+ bangasaphuma godu.
11 Umrhwayeli akangabi nendawo ephasini.+
Kwanga abantu abanenturhu bangabulawa.
12 Ngiyazi bona uJehova uzokuvikela abaqalelwa phasi,Uzokwenzela abatlhagako ubulungiswa.+
13 Ngokuqinisekileko abalungileko bazokuthokoza igama lakho;Abalungileko bazokuhlala phambi kwakho.+
