AmaRhubo 135:1-21
135 Dumisani uJah!*
Dumisani igama lakaJehova;Mdumiseni nina nceku zakaJehova,+
2 Nina enijame endlini kaJehova,Eenrhodlweni zendlu kaZimethu.+
3 Dumisani uJah ngombana uJehova muhle.+
Bhinelani igama lakhe iindumiso ngombana liyathabisa.
4 Ngombana uJah uzikhethele uJakopo,Ama-Israyeli bona abe babantu bakhe abakhethekileko.+
5 Ngombana ngazi kuhle ukuthi uJehova mkhulu;IKosethu yikulu ukudlula boke abanye abozimu.+
6 UJehova wenza koke afuna ukukwenza+Ezulwini nephasini nekuzikeni kwelwandle.
7 Wenza amafu bona akhuphuke kusukela emaphethelweni wephasi;Wenzela izulu umbani;Ukhupha umoya ngeenlulwini zakhe.+
8 Warhayila izibulo leGibhide,Umuntu nesibandana.+
9 Wathumela amatshwayo neemangaliso hlangana nawe Gibhide,+Phezu kwakaFaro nazo zoke iinsebenzi zakhe.+
10 Warhayila iintjhaba ezinengi+Wabulala namakhosi anamandla+
11 USirhoni ikosi yama-Amori,+U-Ogi ikosi yeBhatjhani,+Nayo yoke imibuso yeKanana.
12 Wathatha inarhabo yaba lilifa,Yaba lilifa laka-Israyeli abantu bakhe.+
13 Maye! Jehova, igama lakho lihlala ngokungapheliko.
Maye! Jehova, idumo lakho lihlala* iinzukulwana zoke.+
14 Ngombana uJehova uzokujamela abantu bakhe,+Uzokuba nesirhawu ngeenceku zakhe.+
15 Iinthombe zeentjhaba zenziwe ngesiliva negolide,Msebenzi yezandla zabantu.+
16 Zinemilomo kodwana azikghoni ukukhuluma;+Zinamehlo kodwana aziboni;
17 Zineendlebe kodwana azizwa.
Aziphefumuli.+
18 Abantu abazenzako bazokufana nazo,+Ngitjho nalabo abathembele kizo.+
19 Maye! Bantu bakwa-Israyeli, dumisani uJehova.
Maye! Mndeni ka-Aroni, dumisani uJehova.
20 Maye! Mndeni kaLevi, dumisani uJehova.+
Nina enisaba uJehova, dumisani uJehova.
21 Kwanga uJehova angadunyiswa eZiyoni,+Loyo ohlala eJerusalema.+
Dumisani uJah!+
Imitlolo Ephasi
^ Namkha “Haleluya!” Elithi “Jah” sirhunyezo segama elithi Jehova.
^ NgesiHebheru, “isikhumbuzo sakho sihlala.”
