AmaRhubo 132:1-18
Ingoma Yalabo Abakhuphukako.
132 Maye! Jehova khumbula uDavidaNawo woke umtlhagwakhe;+
2 Indlela afunga ngayo kuJehova,Indlela afunga ngayo kuZimu kaJakopo onaMandla:+
3 “Angeze ngiye etendenami, endlinami.+
Angeze ngilale endaweni engilala kiyo, embhedenami;
4 Angeze ngizivumele bona ngilale,Namkha ngivale amehlwami
5 Bekube kulapho ngifumanela uJehova indawo,Indawo ehle kaZimu kaJakopo onaMandla.”+
6 Qala! Sezwa ngayo e-Efrata;+Sayifumana ehlathini.+
7 Asingeneni endaweni ahlala kiyo;+Asikhothameni esinabelweni seenyawo zakhe.+
8 Ngilwela Jehova, uze endawenakho yokuphumula,+Wena nomFaji wamandlakho.+
9 Kwanga abaphristi bakho bangambathiswa ukulunga.
Begodu abathembekileko bakho bangarhuwelela ngethabo.
10 Ngebanga lakaDavida incekwakho,Ungamlahli* ozesiwekwakho.+
11 UJehova ufunge kuDavida;Akukhulumileko angekhe kubuyele emva nakathi:
“Omunye wesizukulwana sakho,Ngizombeka esihlalweni sakho sobukhosi.+
12 Nange amadodanakho aphetha isivumelwano samiNeenkhumbuzo engibafundisa zona,+NamadodanaboAzokuhlala esihlalweni sakho sobukhosi ngokungapheliko.”+
13 Ngombana uJehova ukhethe iZiyoni;+Uthande yona bona kube yindawakhe yokuhlala, wathi:+
14 “Le yindawami yokuphumula ngokungapheliko;Ngizokuhlala kiyo+ ngombana ngiyo engiyithandako.
15 Ngizoyibusisa ngokuphuphumako ngokudla;Ngizokwanelisa abatlhagako kiyo ngoburotho.+
16 Abaphristi bayo ngizobambathisa isindiso,+Begodu abathembekileko bayo bazokurhuwelela ngethabo.+
17 Ngizokwenza amandla kaDavida akhule lapho.
Ngilungiselele ozesiwekwami isibani.+
18 Ngizokumbathisa amanabakhe ngehlazo,Kodwana isihlohlo esisehlokwakhe sizokuphazima.”+
Imitlolo Ephasi
^ NgesiHebheru, “Ungamfulatheli.”
