USamyela Wokuthoma 31:1-13
-
Ukuhlongakala kwakaSawula namadodanakhe amathathu (1-13)
31 Nje-ke amaFilista bewalwa nama-Israyeli.+ Abantu bakwa-Israyeli babaleka phambi kwamaFilista begodu abanengi barhayilwa eNtabeni iGilibowa.+
2 AmaFilista asolo agijimisa uSawula namadodanakhe begodu abulala uJonathani,+ u-Abinadaba noMaliki-Tjhuwa, amadodana kaSawula.+
3 Ipi yaba budisi kuSawula begodu abadumuzi bemisubela bamfumana, bamlimaza kabuhlungu.+
4 Nje-ke uSawula wathi kumphathinkhalakhe: “Khupha isabulakho ungihlabe ngayo bona amadoda angakasokwa la+ angafiki angihlabe begodu angiphathe ngelunya.” Kodwana umphathinkhalakhe bekangafuni ngombana bekarhidlwa livalo. Nje-ke uSawula wathatha isabula wawela phezu kwayo.+
5 Umphathinkhalakhe nakabona ukuthi uSawula uhlongakele,+ naye wawela phezu kwesabulakhe wahlongakala kunye naye.
6 Nje-ke uSawula, amadodanakhe amathathu, umphathinkhalakhe nabo boke abantu bakhe bahlongakala ndawonye ngelangelo.+
7 Abantu bakwa-Israyeli ebebasesifundeni somrhoba nesifundeni seJordani nababona ukuthi amasotja wakwa-Israyeli abalekile nokuthi uSawula namadodanakhe bahlongakele, batjhiya amadorobhabo babaleka;+ nje-ke amaFilista eza ahlala kiwo.
8 Ngelanga elilandelako, amaFilista nawazokuhlubulisa abahlongakeleko, afumana uSawula namadodanakhe amathathu bahlongakele eNtabeni iGilibowa.+
9 Nje-ke aqunta ihlokwakhe begodu amhlubulisa izambatho zakhe zepi, athumela ilizwi kiyo yoke inarha yamaFilista bona kurhatjhwe iindabezi+ emathempelini weenthombe+ zawo nebantwini.
10 Ngemva kwalokho, abeka izambatho zakhe zepi ngendlini yeenthombe zaka-Atjhitarothi begodu abophela isidumbu sakhe ebodeni leBhethe-Tjhana.+
11 Kwathi izakhamuzi zeJabetjhi-Giliyadi+ nazizwa ukuthi amaFilista amenzeni uSawula,
12 zoke iingorho zasikima zakhamba ubusuku boke, zasusa isidumbu sakaSawula neendumbu zamadodanakhe amathathu ebodeni leBhethe-Tjhana. Zabuyela eJabetjhi zazitjhisa lapho.
13 Ngemva kwalokho, zathatha amathambabo+ zawabulunga ngaphasi komuthi womtamariski eJabetjhi+ begodu zazila ukudla amalanga alikhomba.
