Yokuthoma YeenKronike 27:1-34
-
Abaphathi abasebenzela ikosi (1-34)
27 Lesi sibalo sama-Israyeli, iinhloko zeenkoro, iinduna zeenkulungwana nezamakhulu+ nabaphathi bazo egade basebenzela ikosi+ kizo zoke iindaba zeengaba zalabo ebebangena bebaphume inyanga nenyanga hlangana nazo zoke iinyanga zomnyaka; bekunabazii-24 000 esigabeni ngasinye.
2 Obekangamele isigaba sokuthoma senyanga yokuthoma bekunguYatjhobiyamu+ indodana kaZabidiyeli, bekunabazii-24 000 esigabeni sakhe.
3 Emadodaneni kaPeretsi,+ bekayihloko yazo zoke iinduna zeenqhema ebezabelwe ukusebenza enyangeni yokuthoma.
4 Obekangamele isigaba senyanga yesibili bekunguDodayi+ um-Arhorhi+ nesigaba sakhe, uMikhilothi bekamdosiphambili, bekunabazii-24 000 esigabeni sakhe.
5 Induna yesiqhema sesithathu esabelwe ukusebenza hlangana nenyanga yesithathu bekunguBhenaya+ indodana kaJehoyada+ umphristi omkhulu, bekunabazii-24 000 esigabeni sakhe.
6 UBhenaya lo bekayingorho yabamatjhumi amathathu begodu aphethe abamatjhumi amathathu, obekangamele isigaba sakhe bekuyindodanakhe u-Amizabadi.
7 Induna yesine yenyanga yesine bekungu-Asaheli,+ umfowabo kaJowabi,+ walandelwa yindodanakhe uZebadiya esikhundleni begodu bekunabazii-24 000 esigabeni sakhe.
8 Induna yesihlanu yenyanga yesihlanu bekunguTjhamuthi umJizrarhiya, bekunabazii-24 000 esigabeni sakhe.
9 Induna yesithandathu yenyanga yesithandathu bekungu-Ira+ indodana ka-Ikhetjhi umTekhowa,+ bekunabazii-24 000 esigabeni sakhe.
10 Induna yekhomba yenyanga yekhomba bekunguRheletsi+ umPeloni ongewakwa-Efrayimu, bekunabazii-24 000 esigabeni sakhe.
11 Induna yobunane yenyanga yobunane bekunguSibekayi+ umRhutjha wamaZerarhi,+ bekunabazii-24 000 esigabeni sakhe.
12 Induna yethoba yenyanga yethoba bekungu-Abiyezeri+ umAnatothi+ wakwaBhenjamini, bekunabazii-24 000 esigabeni sakhe.
13 Induna yetjhumi yenyanga yetjhumi bekunguMaharayi+ umNethofa wamaZerarhi,+ bekunabazii-24 000 esigabeni sakhe.
14 Induna ye-11 yenyanga ye-11 bekunguBhenaya+ umPiratoni wamadodana ka-Efrayimu, bekunabazii-24 000 esigabeni sakhe.
15 Induna ye-12 yenyanga ye-12 bekunguRhelidayi umNethofa we-Otiniyeli, bekunabazii-24 000 esigabeni sakhe.
16 Laba bekubarholi beentjhaba zakwa-Israyeli: KwesakwaRubeni, u-Eliyezeri indodana kaZikiri bekamrholi; kwesakwaSimiyoni, bekunguTjhefathiya indodana kaMaka;
17 kwesakwaLevi, bekunguRhatjhabiya indodana kaKhemuyeli; kwesakwa-Aroni, nguTsadokhi;
18 kwesakwaJuda, ngu-Elihu,+ omunye wabafowabo bakaDavida; kwesakwa-Isakari, ngu-Omri indodana kaMikhayeli;
19 kwesakwaZebuloni, nguYitjhimaya indodana ka-Obadiya; kwesakwaNafitali, nguJerimothi indodana ka-Azriyeli;
20 kwesakwa-Efrayimu, nguHosiya indodana ka-Azaziya; engcenyeni yesitjhaba sakwaManase, nguJuweli indodana kaPedaya;
21 engcenyeni yesitjhaba sakwaManase eGiliyadi, ngu-Ido indodana kaZakariya; kwesakwaBhenjamini, nguJasiyeli indodana ka-Abineri;+
22 kwesakwaDani, ngu-Azareli indodana kaJerorhamu. La bekumakhosana weentjhaba zakwa-Israyeli.
23 UDavida akhenge ababale labo abaneminyaka ema-20 ubudala nabangaphasi ngombana uJehova wathembisa ukwenza u-Israyeli abe mnengi njengeenkwekwezi zomkayi.+
24 UJowabi indodana kaTseruya wathoma ukubala kodwana akhenge aqede; ilaka lakaZimu lavuthela ama-Israyeli ngebanga lalokhu+ begodu isibalweso akhenge sifakwe encwadini yemilando yangeenkhathi zeKosi uDavida.
25 Obekangamele amabulungelo wamagugu wekosi+ bekungu-Azimavethi indodana ka-Adiyeli. UJonathani indodana ka-Uziya bekangamele iinlulu ezisemasimini, emadorobheni, ezabelweni nemibhotjhongweni.
26 Obekangamele iinsebenzi zesimini ebezilima ihlabathi bekungu-Ezri indodana kaKelubi.
27 UTjhimeyi umRama bekangamele isimu yamadiribe; obekangamele iinlulu zalapho kutlhodlhelwa khona iwayini ngamadiribe avuniweko bekunguZabidi umTjhifimi.
28 Obekangamele isimu yama-oliva nemithi yamafeyi+ eTjhefela+ bekunguBhali-Rhanani umGederi; obekangamele ibulungelo lamafutha bekunguJowatjhi.
29 Obekangamele imihlambi yeenkomo ebeyidla eTjharoni+ bekunguTjhirithayi umTjharoni, uTjhafathi indodana ka-Adilayi bekangamele imihlambi yeenkomo emmangweni othabaleleko.
30 Obekangamele amakamela bekungu-Obili um-Itjhimayeli; obekangamele abodumbana bekunguJerhideya umMeronothi.
31 Obekangamele umhlambi wezimvu neembuzi bekunguJazizi umHagiri. Boke laba bebaziinduna zepahla yeKosi uDavida.
32 UJonathani,+ umtjhana kaDavida, bekamumeluleki, indoda ezwisisako begodu angunobhala, uJerhiyeli indodana kaRhakimoni bekatlhogomela amadodana wekosi.+
33 U-Arhitofeli+ bekamumeluleki wekosi begodu uRhutjhayi+ um-Ariki bekamngani wekosi.
34 Ngemva kwaka-Arhitofeli, bekunoJehoyada indodana kaBhenaya+ no-Abhiyathari;+ uJowabi+ bekayinduna yebutho lekosi.
