HLALANI NILINDILE!
2023: Umnyaka Owabangela Abantu Abanengi Bazizwa Batshwenyekile—Lithini IBhayibheli?
Hlangana nomnyaka ka-2023, kwenzeke izinto ezinengi ephasini mazombe ezitjengisa ukuthi siphila esikhathini iBhayibheli elisibiza ngokuthi ‘mimihla yokuphela.’ (2 Thimothi 3:1) Tjheja indlela izenzakalo zanamhlanjesi ezitjengisa ngayo lokho iBhayibheli elabikezela ukuthi kuzokwenzeka esikhathini sethu.
IBhayibheli nezenzakalo zephasi loke
‘Izipi nemibiko yezipi.’—Matewu 24:6.
“Ukulwa okunenturhu kuyanda eengcenyeni ezinengi zephasi.” a
Qala isihloko esithi, “Ngubani Ozokusindisa Izakhamuzi Ezingahlanganyeli Epini?” nesithi“Ababusi Ephasini Loke Basebenzise Imali Engaphezu Kwema-R39 324 700 000 000.00.”
‘Ukusikinyeka kwephasi eendaweni ngeendawo.’—Markosi 13:8.
“Kusukela ekuthomeni kwaka-2023, kube nokusikinyeka kwephasi okwenzeke iinkhathi ezili-13 ngezinga elingaphezu kwe-7 ephasini loke, okusibalo esiphezulu khulu solo sathoma ukutlola phasi amarekhodi.” b
Qala isihloko esithi, “Kube Nokusikinyeka Okukhulu Kwephasi ETurkey neSyria.”
‘Imibono esabekako.’—Lukasi 21:11.
“Isikhathi sobujamo bezulu obutjhisako siphelile; nje kufike isikhathi sobujamo bezulu obubilako.”—Ngokwaka-António Guterres, unobhala zombelele we-UN. c
Qala isihloko esithi, “Ubujamo Bezulu Obutjhisako Obuyingozi Hlangana Nehlobo Laka-2023.”
‘Ukutlhayela kokudla.’—Matewu 24:7.
“2023: Omunye umnyaka wokutshwenyeka khulu ngalabo abakufumana kubudisi ukondla imindenabo.” d
Qala isihloko esithi, “Ukutlhayela Kokudla Ephasini Loke Okubangelwa Yipi Nokutjhuguluka Kobujamo Bezulu.”
‘Iinkhathi ezibudisi okubudisi ukuqalana nazo.’—2 Thimothi 3:1.
“Umuntu munye kwababunane ephasini loke uphila nobujamo bokugandeleleka komkhumbulo.” e
Qala isihloko esithi, “Ukwanda Okushaqisayo Kokuphazamiseka Komqondo Entsheni.”
Khuyini esingayilindela emnyakeni ka-2024?
Akakho umuntu ongatjho ngokuqiniseka ukuthi umnyaka ka-2024 usiphatheleni. Kodwana izenzakalo zephasi zitjengisa ukuthi ingasikade umBuso kaZimu namkha urhulumende wezulwini, uzokujamiselela aborhulumende babantu begodu uqede zoke izinto ezibangela umtlhago nokutshwenyeka.—Danyela 2:44; IsAmbulo 21:4.
Nje nasizizwa sitshwenyekile, singafuna isizo kuZimu. IBhayibheli lithi:
“Nangisabako, ngithembela kuwe.”—IRhubo 56:3.
Singatjengisa njani ukuthi sithembele kuZimu? Sikubawa bona ufunde okungeziweko ngesithembiso seBhayibheli esimalungana nengomuso elinganakho ukutlhaga. Linga isifundo sethu seBhayibheli sasimahla ukubona ukuthi wena nomndenakho ningazuza njani eenthembisweni zeBhayibheli.
a Iindaba Zangaphandle, “Iphasi Lisepini: Khuyini Ebangela Ukulwa Okukhambisana Nenturhu Ephasini Loke?” ngo-Emma Beals no-Peter Salisbury, Oktoba 30, 2023.
b Iindaba Zokusikinyeka Kwephasi, “Umnyaka ka-2023: Kunenani Elikhulu Lokusikinyeka Kwephasi Okusafuze Lirikhodwe,” Meyi, 2023.
c Amezwi Wokuvula KaNobhala Zombelele WeenTjhaba EziBumbeneko, Emhlanganweni Weembikindaba Omalungana Nobujamo Bezulu,” Julayi 27, 2023.
d Ihlelo Lokudla Lephasi Loke, “Ukutlhayela Kokudla Ephasini Loke.”
e Ihlangano Yephasi Yezepilo, “World Mental Health Day 2023,” Oktoba 10, 2023.
Okhunye Ongakuthabela
IIMFUNDISO ZEBHAYIBHELI EZIQAKATHEKILEKO
Uyini UmBuso KaZimu?
Emsebenzinakhe wokutjhumayela, uJesu wafundisa ngomBuso kaZimu ukudlula nanyana ngiyiphi indaba. Sekuminyaka eminengi, abalandeli bakhe bathandazela umBuso loyo bona uze.
UKWAZI NGATHI
Bawa Isifundo SeBhayibheli
Fundelwa iBhayibheli endaweni nangesikhathi esivumelana nawe.
