Umfundi uJakopo wamadanisa iBhayibheli nesiboniboni esisiza umuntu abone ukuthi umumuntu onjani. (Jak. 1:​22-25) Singalisebenzisa njani iBhayibheli njengesiboniboni?

Lifundisise kuhle. Nasiziqala msinyana esibonibonini, kungenzeka singawuboni umtjhapho okithi otlhoga ukulungiswa. Bona sikghone ukubona kuhle ukuthi sibabantu abanjani kufuze sitjhejisise, sihlolisise iliZwi lakaZimu begodu silifundisise.

Ziqale wena kunokuqala abanye. Ngezinye iinkhathi nasiziqala esibonibonini singakghona ukubona nabanye abantu, kungebangelo singaqalisisa ukuthi khuyini engakalungi endleleni abaqaleka ngayo. Ngokufanako singalisebenzisa iBhayibheli bona siqale imitjhapho yabanye. Kodwana ukwenza njalo, angekhe kusisize bona silungise yethu imitjhapho.

Yiba nombono ofaneleko. Nasiqala esibonibonini sibone esingakuthandiko, lokho kungasiqeda amandla. Kufuze sibe nombono ofaneleko nasifunda iBhayibheli singalindeli okukhulu kithi okudlula lokho uJehova akulindele kithi.—Jak. 3:17.