A laa mbaʼambaʼ lièʼ 24 na Sang 2 na 2022, Russie lôg mékatouʼ nkouou Ukraine, ta mboo paʼ mémaa two ta ngiôôn tsaa ngouong ka té né nkouoŋo ntchou wô. Wôôn ntchou gé gʉo lékô tsèe njʉo? António Guterres wuié yé zo thié two mvfo na léŋwéʼé choum sié é lié ONU gôôn ngié: é gé gʉo pʉa mésong gia ngôʼ, échoum tchʉngté, atag yié a gé maʼa tsèe Europe mboo tsèe ngouong ntsém gé wo kouaʼ ndaa gia.

•   Yéeso lé kaʼa tsoo tam wuié «alaʼ gé laʼ loussé lʉôʼô yétso, afouô toum loussé ndʉôʼô wétsoo» (Matio 24:7). Toŋo two yié a gôôn ngié: Quel est le signe des « derniers jours », ou « temps de la fin » ?, lé lôg ngia paʼ Biile gniè ngié méntchou mié mé giè lièʼôôn tsuiéʼé na ménkaʼa Yéeso.

•   Ŋwaʼné Ngia jʉʼ yié aa tsèe Biible laʼté ntchou paʼ gning wuié a néŋé ndoum «lʉoon wuié a pang paʼ môôg», mba mé piing «nna métʉ mbwo gning wuié a néŋé ndoum wo, ngié a gʉa mmaʼa tag ndoumo ssé tsétsaʼ» (Ngia jʉʼ 6:4).Toŋo jʉʼ yié a gôôn ngié: « Les cavaliers de lʼApocalypse : qui sont-ils ? ».

•   Ŋwaʼné Ndaniè gôôn no na zoŋo wuié a lôôn ngé gʉo wo tsétsèe «fouô wé kouong» po «fouô wé ntsing» (Ndaniè 11:25-45). Nangté Vidéo Une prophétie qui sʼaccomplit : Daniel chapitre 11 ndôg ngia mmo yié a gʉo ta mé zsé ngié Russie paa pʉa pié ée nzém yé zoo lôgô ngouoo fouô wé koung. *

•   Ŋwaʼné Ngia jʉʼ gôôn no na ntchou wuié é lié maamaa lièʼè laʼ Ssé wuié aa Ngaŋa tʉ Ntsém (Ngia jʉʼ 16:14, 16). Taʼ wèe ntchou té gé tchʉa tsétsaa mélaʼ paʼ mé né ngia fʉʼôôn wô. Toŋo jʉʼ yié a gôôn ngié: Quʼest- ce que la bataille dʼArmaguédon ? ndôg njouʼ tso choum ta ngiôôn nti métam pié ée mvfo.

•   Biible ngôôn ngié Ssé gé gʉo pou mmag méntchou ndoumo Ssé tsétsaʼ ntsém (Zôbô ntsé 46:9). Toŋo jʉʼ yié a gôôn ngié: « Une espérance réelle pour des jours meilleurs » ndôg njouʼ méno mboŋo mié Ssé kaʼa na jʉo yié é né ntoo.

•   Yéeso la gôôn né ngaŋa kwo yé ngié pô gʉo préya ngié Léfouô Ssé to (Matio 6:9, 10). Sèe Léfouô, aa taʼ ngoumnôôn wuié aa tʉo lépwo, awuié a gé gʉo lékouong Ssé loué ndoum tsétsaʼ, wèe lékoung Ssé gé gʉo ying lôg mboo mbʉlé too tsèe njʉo. O lôôn né nkouoŋo lé zsé mépi mié Léfouô Ssé gé naa pwo wou, o lié vidéo Mé gôôn Léfouô Ssé ngôôn kô?

 Pakuié Ntang Jéova ée Ukraine ta nkouʼou 129,000. Pô gʉo paʼ pétso Pakuié Ntang Jéova tsèe ngouong, ndʉʼʉ politik pô lélʉôôʼ ntchou, ndôgô pouʼou fʉʼʉ Yéeso (Jang 18:36). Pakuié Ntang Jéova ké né ngée po lé mvfo lé saʼ nkʉ mboŋo nti Léfouô Ssé, ésié sèe zoo gé gʉo tʉôgô paa na méngôʼ ntsém ndoumo Ssé tsétsaʼ, ta mboo na méntchou (Matio 24:14). Pég né nkuingté wou ngié o gia wég pég kuiété wou lé kuiʼi nzsé choum sié Biible gôôn ngié é né ntoo.