Ta nda’ fo, mésékoud nti lésa’ wé Ssé pou ngouô tʉnzuing tè’ pwo Pakuié Ntang Jéova. Ngouô pʉa pié é gouôgô faʼ Ssé ta nda’a pi jʉo pi na môôn mésékou ntchouŋo tchouŋo, ndôg kou’ou «lé tsui nkʉ mboŋo no Ssé mbwo pʉa.»—2 Timoté 4:5.

Sékoud pakiagnzsé. Ta’ nkiagnzsé fʉ’ ntsém woo ta ngʉo ta’ ngou’ tsèe fa’ yé pé’é, ngʉa sékoud pakiagnzsé yié a gʉo lièe’ ntôgô. Mé kouou sékoud wè tsèe ta’ nda tchou’té yié ée na wé chʉo. Yôôn sékoud kuiété pakiagnzsé lé suiè’té né léjʉng Jéova, mboo lé lôg méchʉo nti nti chouŋo no Ssé. A ying nkuiété wôb lé lôgô fa’ nkiagnzsé ngʉa po né mvfo.

Sékoud pachouŋo no Léfouô Ssé. Yôôn sékoud yié a gʉo mésang mémbʉa kuiété pakiagnzsé pié po kou’ou lé lôg méchʉo nti nti chouŋo no Ssé mbing, nzuiŋé lé foo jʉ’ yié po tsuié wo ngʉa chouŋo no Ssé jʉ’ yié mé né nzaga pachouŋo no Ssé wo. Po chʉéechʉée ngôôn ngié: «Méng wôôn! Toumo wôôn!» ndôgô fʉ’ʉ Ntsui Nkʉ wuié tso laa wô pa’ yé ndoum tsétsa’ wô, Yéeso Kristo. (Ésaya 6:8; Jang 7:29) Gning léfoo tsèe la’a yôb ngʉa chouŋo no Ssé tsèe yétsô la’ té méjʉ’ no wô. A zaté ngié a pôôn lé zab ntʉm wé na kaakou njʉo. Ngouô tsuié la’, fʉ’ʉ fʉag ka fʉ’ʉ loum wôô, mboo choum léjʉo koua’ lé wô pa’ sé la’ yôb wô. Ngouô a ying nzaté ngié ngang zi’i chouŋo la’ yé ndiè’è. Yôôn sékoud kuiété méfè pié é gwiée ménzuing ngou’ fo na 23 ta nkouou na 65: mbaŋa paa panzuiée pié po gnié té zô’, ngʉo pambaŋa paa mézuiée pôb lé gwiée méma mboŋo na chʉo wé zuigé. Môôn métsuié gé kuiété wab jʉ’ yié mé toumo wab wo. A tchʉa pou’ou, Jéova, mboo Létsiŋé lôg Ntségé Tchou’té zuiè’è wôb mboŋo.

Sékoud Biible yé Galaad. Aa na chouŋo Héber, «Galaad» lôgô ngôôn ngié «Métoon mié mé tangté lé lôg Nkimté no.» Ta fo pa’ mé la tsô’ô yôôn sékoud na 1943, a léen ntoum mémisionèe ta ntôgô mmo 8 000, lé wô Pakuié Ntang ta nkouou «jʉ’ yié tsétsa’ zsoté wo.» (Mégang ntoum 13:47) Pakuièe yôôn sékou la waa too Pérou, tsô tchou’té Pakuié Ntang Jéova té wo wô. A ping ngouo fʉ’ôôn, métchou’té wô wo ta ntôgô 1 000. Mé la waa toum mémisionèe még Japon, Pakuié Ntang zôôn té jʉ’o ta kou’ou légʉm wô. Po ping ngouo wo liè’ôôn ta ntôgô 200 000. Sékoud Galaad gʉo mésang méntʉa, mé ping ntchouŋo nzi’i Biible wo. Pakiagnzsé ntchouŋé tchouŋé, mémisionèe, pafa’a Bétèl, ngʉo méresponsable de circonscription paa mézuiée pôb zoo gʉa na yôôn sékoud. Mé zi’i wôb pa’ ngouô po gʉo ngié tchou’té Jéova tʉté, afa’ lé chouŋo no Ssé ping nkui’i ngʉa lé mvfo.

• Sékoud pakiagnzsé gwiée yèe ntong?

• Pawôô jʉo pi na Sékou pachouŋo no Léfouô Ssé?