Oo pé’é né nkouŋo lé fa’ choum ndôg nkui’i nzsé Biible? O né nkouŋo lé kui’i njou’ tso nkang ŋwé’é Biible, lé kui’i nzsé tsoo gning, tso jʉ’, mboo tso mmo tsèe Biible? Ta o lée zèté ka ngouô Ŋwa’né Ssé kuiété wou na tso no yié a né ntchʉa wou wô? A lôôn ngouo pou’ou, mba ngouô ô gniousé bibliotèk yié ée nda tchou’té Pakuié Ntang Jéova.

A gwiée choum lôg ngʉo méréchèeché. Pakuié Ntang Jéova kuilé méŋwa’né mié é gôôn no na Biible. Ndiè’ tsô mba o té gwiée ntsém na chouŋé la’ jou wô. Ta’, bibliotèk nda tchou’té gwiée lélʉo méŋwa’né mié é la gnié ta nkuièe. Ngouô a ying ngwiée ménti Mébiible ta ngiôôn, ngwiée tiè’téndou yié a pong, ngʉo métsô méŋwa’né mié mé la ŋwé’é lé lôg nkiè’té choum. Ngouô o gniousé môôn méŋwa’né fʉ’ yié mé gnié té zhié tchou’té, mboo fʉ’ yié tchou’té maag. Ôôdinateur lôôn ngouô ssé, mba ngouo o yousé Watchtower Library. Aa ta’ proogram wuié a gwiée méŋwa’né még ta ngiôôn, ngʉo tsô jʉ’ yié ngouô a kuiété wou lé lwo fa’ choum na tsô no, tsô ndou, ka tsô nkang ŋwé’é Biible wôô.

A kuiété mégaŋa sékoud réunion Vie chrétienne et ministère (tchou’té lénéŋé Mékréeté po léchouŋo no Ssé). O lôôn ngwiée ndévoir, mba ngouô bibliotèk nda tchou’té koua’ nkuiété wou lé tchouŋo tchoungté. Gning wuié a lié no na bibliotèk, aa fè wuié a lié no na réunion Vie chrétienne et ministère. Yé zo lié ka méŋwa’né mié é ka gnié ta nkuièe ée tsèe bibliotèk wôô, mboo ngié mé kouaa’ ntangté mboŋo. Ngouô yé, ka gning wuié a zi’i wou Biible wôô kuiété wou lé gia choum sié o né ntsôôn. Ta’, mé té gwiée lé lôg méŋwa’né mié ée tsaa bibliotèk ndôg mbing nzém lé mbʉa wô. A ping té né nzèté wégé lé tchʉngté môôn méŋwa’né, mboo lé ŋwé’é choum tsolo wô.

Biible la’té ngié, pégé lôôn né «fa’a lé zsé Ssé,» mba pégé gwiée lé fa’a yé «pa’ mé fa’a choum tʉnzuing sié é té pʉlé lé gia wô.» (Provèebe 2:1-5) Ngouô bibliotèk nda tchou’té kuiété wou lé koua’ ngʉo pou’ou.

• Choum lôg ngʉo méréchèeché sié ngouô mé gia tsaa bibliotèk nda tchou’té ée mèe?

• Ngouô wôô kuiété wou lé gniousé yaa bibliotèk?