LÉZI’I 01

Ngouo Biible kuiété wou lékô?

PLAY

Pégé métsém gwiée méno mié pégé waa nzèté nti léwô wo, nti méngôʼ, mboo légwé, ngʉo njʉo yié é né ntoo. Pégé yiing nkouoŋo lé zsé choum sié é lié lénéŋé wé lièeʼ ntsém, paʼ légwiée nkab yié mé gé lôg jou choum sié é né nzaté, pô légwiée lékag tsèe tsiŋé nda. Pʉa ta ngiôôn gia ngié Biible té kuiété wôb po ndaʼ lé gwiée mémbʉèe na ménzèté môb wô, a yiing nnaa wôb méntʉôgô lé lôg njouʼ mboŋoo. Ta o kouang jou ngié ngouô Biible kouaʼ nkuiété pʉa métsém?

1. Tsô ménzèté mié Biible na mbʉèe moo ée mèe?

Biible na mbʉèe na ménzèté paʼ môôn: Léwô wé pʉa mésong la zhiété lékô? Ssé la pouoon pʉa mésong nti kô? Pʉa mésong gia ngôʼ nti kô? Akô tchʉaté fʉʼ yié gning kwée? A lôôn ngouo yié pʉa métsém né nkouoŋo mbʉlé, mba nti kô méntchou ping ngiôôn wôôn nzuing? Ndoumo ssé tsétsaʼ gé gʉo tchʉʼʉ kô? Biible kuingté wégé lé faʼ mémbʉèe na môôn ménzèté. Pʉa mémiléyông kée mbing ngʉa tsolo ngia mémbʉèe mié é kouaʼ mbong.

2. Ngouo Biible kuiété wégé lé jouʼ mboŋoo lièʼ ntsém lékô?

Biible naa wégé méntʉôgô mboŋo. Taʼ fʉʉʼ ngié a kuiété métsiŋé nda létchouŋo ngwiée lékag. A yiing nna méntʉôgô mbwo pégé fʉʼé pégé né mmʉôgté, mboo na nti yié ngouô pégé gʉo ta nkouoŋo faʼ yégé. Pégé gé waa née chouŋé na yôôn brochuu, o ziʼi mmo yié Biible gôôn na môôn méno, mboo na métso. Kouaʼ wou gé giè ta zuing jou ngié «kôôkôô tsèe Ŋwaʼné Ssé wôô . . . kouʼou lé lôg nziʼi pʉa no yié aa nénʉ» (2 Timoté 3:16).

Yôôn ŋwaʼné té koubé two Biible wô. Ta ntchʉʼ pouʼou, mba a kuingté wou pô lé tsaasé mmo yié aa tsoo. Aa yèe ta pég né nkuingté wou, lé tong ménkang ŋwaʼné mié ée tsèe sèe sèe léziʼi wô, mbing ndʉngté na choum sié o né nziʼi.

YING NKUIʼI NZIʼI

Gia paʼ ta nkou lièʼôôn, Biible né nkuiété pʉa, nging ngia paʼ ngouo o gwiée lékag lé toŋo Biible, mboo mmo yié a gʉo, a wo tʉnzuing lé louô kuiété lé lôg njouʼ.

3. Ngouô Biilbe gnièe wégé manzsé

Biible wo po paʼ môôg toosélam wuié a kièʼ tèʼ. Ngouo Biible kuiété wégé lé tsôʼ mémanzsé mboŋo, mboo lé zsé mmo yié aa mvfo né ntoo.

Toŋo Zôbô ntsé 119:105, mbing chouŋé na môôn ménzèté:

Gning wuié a la ŋwéʼé yôôn zôbô ntsé lôôn ngia Biible lékô?
O gia jou Biible lékô?

4. Ngouo Biible na mbʉèe na ménzèté mégé

Tsoo manzuiée la gia ngié Biible pouou nna mbʉèe na ménzèté ntsém mié é lôôn ntsuié ngégé yé. Gnièe VIDÉO, mbing ngôôn no na ménzèté:

VIDÉO: Té la’ lièe’ mbʉèe mbwo! (1:48)

Mé gièe tsèe vidéo ngié wôôn manzuié la gwiée yèe nti ménzèté?
Léziʼi Biible la kuiété yé lékô?

Biible kuingté wégé lé zèté méno. Toŋo Matio 7:7, mbing ngôôn no na yôôn nzèté:

Ménzèté mié o gwiée mié ngouo Biible na mbʉèe moo ée mèe?

5. Ngouo o gwiée lékag lé toŋo Biible

Pʉa ta ngiôôn gwiée lékag lé toŋo Biible, mbing né njʉo pi moo. Gnièe VIDÉO, mbing chouŋé na ménzèté:

VIDÉO: Létoŋo Biible (2:05)

Aa tsaa vidéo, pôôn pouô ngouachoum gôôn ngié po gia létoŋoo mmo lékô?
Mboo paʼ po té kouoŋo lé toŋo mmo wô, nti kô po ping nkouoŋo lé toŋo Biible?

Biible gôôn ngié ngouo a na méntʉôgô mié é gé suiété létʉm ségé, mbing nkuiété wégé lé zsé ngié njʉo gé gʉo pong. Toŋo Roma 15:4, ndéen nké chouŋé na yôôn nzèté:

Ta a poŋo wou paʼ Biible gôôn ngié a gé suiété létʉm chou, mbing ngôôn ngié njʉo mboŋo né ntoo?

6. Ngouo pétsô pʉa kuiété wégé lé jouʼou Biible

Lélʉo pʉa ka giè ngié aa mbong lé toŋo Biible yilé pôb, ta lé chouŋé moo né pétso pʉa ying nkuiété wôb tèʼ. Toŋo Mégang ntoum 8:26-31, ndéen nké chouŋé na yôôn nzèté: