Pʉa pié pégé zi’i wôb Biible lôôn ngé gwiée choum sié é né nzèté wôb na chʉo wé zuigé, éping gou’ ta tʉté na no Ssé, mba a tée nzaté po nda’ méno nénʉ mié pégé né nzi’i wôb wô (Mt 5:3; Hé 5:12–6:2). A zèté ngié koua’ pôb zi’i lé jʉôgô two mboum yôb na chʉo wé zuigé.

Pi gning lôôn gnié ta nzhié lé zi’i mmo, o gnièe yé pa’ ngouo a tchoungté lézi’i Biible sé pou’ou, mbing nkuingté yé lé tchoungté (mwb18.03-F 6). Kuingté yé pa’ a gé waa zhiété lé zi’i mmo yilé yé fʉ’ʉ kô wô, évôg gʉo préya. Kuiété yé lé kouou tsèe méŋwa’né mié é wô pô tsèe mémachʉng, mbing nkuiété yé lé yousé ndôg nzi’i mmo. Gnièe yé pa’ ngouo a gʉo ta ngia choum sié ée tsèe jw.org mbaa tsèe JW Télédifuziông^®. Lôg ndôôn ndôôn nzi’i yé lé toŋo Biible lièe’ ntsém, nzi’i yé lé tchoungté métchou’té, mboo lé fa’ mbʉèe na ménzèté mié a gwiée. Kuiété yé lé sélé nkouaŋa wé na mmo yié a né nzi’i.

NANGTÉ VIDÉO KUIÉTÉ PɄA PIÉ O ZI’I WÔB BIIBLE LÉ JɄÔG MBOUM YÔB NA CHɄO WÉ ZUIGÉ, NDÉEN NKÉ NNA MBɄÈE NA MÔÔN MÉNZÈTÉ:

• Nina la kuiété Julie lékô lé zsé ngié lézi’ii mmo té wo po nda’ lé zsé mémbʉèe na ménzèté wô?

• Akô la kuiété Julie lé koua’ nzuing té mʉ’té ngié Jéova gwiée ntong lé tô’ô no magab?

• Julie la tchʉ’ nzsozso, njou’ ngié kô na lésélé nkouaŋa wé na mmo yié a zi’i?