?Na Aur An Na-at Teru Ma Adong Inir Pa Aha Ihe A?
?Kopa pasandara ingka . . .
-
ia a?
-
ne ee?
-
teni ata ihe?
NALEARA NATUS-ATAM MBETONG
“Nasum . . . pamo hemerelu natirihi namatan niar, ati ane namatean, narong tatahaean, na earean ne navitunu teru mala andok ihe. Naloisi isi tua teri mbuelima ati.”—Revelesen 21:3, 4.
?NAHEVE HILA EAN NAATAEAN EINGA HILA IAK KE?
Koata ingka te Nasum ihe ara nokombo narong tatahaean anda mbikin ingkitemang.—Jemes 1:13.
Koata ingka Nasum indong aha, na aur ara ti mbasai narong tatahaean ne einga imbo mbukin na popon iak.—Sekaraea 2:8.
Ko midodo angiren ingka na aur etan, naloisi amban ara rinokombo ingkitemang tino kodong ingkitemang aha rumo mbuel.—Ol Sam 37:9-11.
?TIMBOATA TISARALOMO NALEARA NATUS-ATAM MBETONG A NE?
Ia, nambiteren nale amban eindok:
-
Nasum mohik narong tatahaean mbilak nawotaean koko. Nasum indong aha ara loho nawosoro angalean mbikin takani Israel tua. Natus-Atam mbetong ingka “Nasum mbaam nadodomean mbilak inir.”—Jajes 2:18, Niu Wol Translesen.
Nasum te laelae ara na-at amban rinokombo hangal naete kaka amban ihe. Natus-Atam mbetong ingka “Na-at ara rimbo nada ihal, Nasum te masaun endong inir ihe.—Ol Proveb 6:16, 17.
-
Nasum dodom mbulete ingkitemang. Ke ingkitemang ti ata “naleara rimbo ingkitemang tino kodong ingkitemang aha.” !Ke Yehov a ata!—2 Kronikel 6:29, 30.
Tepa tua ihe namarakean ani Yehov, pawo mbuel narong tatahaean. (Matiu 6:9, 10) Ara tuputo koder namarakean einga, kenini no hila na-at amban ara rino lele ando mbikin eh.—Ol Wok 17:27; 2 Korin 1:3, 4.
KO MINDODOENANGA
?Naheve imboha Nasum huwok na-at rinokodong inir aha?
Ko mbaota kombasai navasandara ean indok ROM 5:12 ne 2 PITA 3:9.
You May Also Like
KEINGKEM
?Ra Nohala Navetong Mbihekean Natus-Atam Gaimpe A?—Mbirerev
Natus-Atam hila na-at ri isi ambaot maraman kaka. ?Kaing ane ko masaun ingka Natus-Atam pah hila iak a?
