Ko e gahua ha mautolu he lalolagi katoa kua fakatupe ni he tau mena foaki fakaalofa mai ia lautolu ko e Tau Fakamoli a Iehova. a Ha ha i ai e tau puha foaki mena fakaalofa he tau matakavi feleveiaaga ha mautolu, mo e falu puhala ke foaki e tau mena fakaalofa he ha mautolu a faahi Tau Mena Fakaalofa. Kehekehe e tau puhala ke maeke e tagata ke tuku e mena fakaalofa ke he gahua ha mautolu he lalolagi katoa, tupe ne fakaaoga he fakapotopotoaga, po ke tau mena ua ia.

 Nakai amanaki ke he Tau Fakamoli a Iehova ke tuku e mena ke hogofuluaki po ke kotofa e tupe po ke pasene he totogi ha lautolu ke foaki. (2 Korinito 9:7) Nakai oko e mautolu e tau tupe po ke totogi ke hū ki loto he tau feleveiaaga ha mautolu, po ke totogi foki e tau fekafekau ha mautolu ke fakahoko e tau papatisoaga, tau mauku, tau mauhoana, po ke falu faiagahau fakalotu. Nakai ati tupe a mautolu he sela e tau koloa kai, pasā (bazaar), pelē pigikō, fakamanatuaga, taute galue, lafolo, po ke tau fakaholoaga pihia, ti nakai ole tupe foki a mautolu. Ko e tau tagata ne foaki e tau tupe kua nakai talahau po ke fakailoa ke he toloaga. (Mataio 6:2-4) Ko e tau faahi kupega hila mo e tau tohi ha mautolu kua nakai fakatātā ai e tau puhala moua tupe.

 Igatia e fakapotopotoaga he Tau Fakamoli a Iehova mo e fakailoa e tau fakamauaga tupe he mahina he tau feleveiaaga ne hafagi ke he tau tagata oti. Ko e fakamauaga he tau tupe he tau fakapotopotoaga takitaha kua tivi tumau ke iloa kua taute fakamitaki e tau tupe foaki fakaalofa.​—2 Korinito 8:20, 21.

•   Tau puha foaki mena fakaalofa: Maeke a koe ke foaki e tau mena fakaalofa tupe po ke tau sieke he tau puha foaki mena fakaalofa he tau Fale he Kautu, tau Fale he Toloaga, po ke falu matakavi ne taute e tau feleveiaaga ha mautolu.

•   Foaki mena fakaalofa he initanete: Ke he loga e motu, maeke a koe ke fakaaoga e faahi “Foaki Fakatupe ke he Tau Fakamoli a Iehova” ke foaki e tau mena fakaalofa he puhala he tau credit card, debit card, bank transfer, mo e falu puhala he matini. b Falu he Tau Fakamoli a Iehova ne fifili ke “tuku age ai hana mena” he tau mahina takitaha he fakaholoaga tumau ke foaki e mena fakaalofa he fakaaoga e taha he tau puhala nei.​—1 Korinito 16:2.

•   Pulega tuai ke foaki: Falu he tau puhala foaki mena fakaalofa kua lata ke fakatoka tuai mo e/po ke moua e fakatonuaga matafakatufono. Ko e tau fakatokaaga pihia kua fakaatā a koe ke fakaaoga e tau lagomataiaga tukuhau he motu haau. Tokologa ne aoga mai he maama mitaki hagaao ke he tau mena fakaalofa ne fakatokatoka ke foaki noa he moui haana po ke mogo ka mate a ia. Fakamolemole matutaki atu ke he la ofisa tata mai he Tau Fakamoli a Iehova ma e falu vala tala foki kaeke ke manako a koe ke foaki e mena fakaalofa ne putoia e:

  •   numera he pege

  •   tau fakatokaaga tupe inisua mo e litaea

  •   tau fale mo e tau fonua

  •   stocks mo e bonds

  •   wills mo e trusts

 Ma e falu vala tala foki ke he tau puhala foaki mena fakaalofa he matakavi haau, kikite faahi “Foaki Fakatupe ke he Tau Fakamoli a Iehova.”