FAKAAKOAGA 11
Aoga Lahi ka Moua e Koe he Totou e Tohi Tapu
Kua molea kia e tupetupe haau ke he manatu ke kamata e matagahua lahi? Liga to mukamuka lahi ai ka taute e koe e vala tote he magaaho. Pihia foki ka totou e Tohi Tapu. Liga hūhū a koe, ‘Kamata fēfē e au?’ He fakaakoaga nei, to fakatutala a tautolu ke he falu mena mukamuka ka taute e koe ke fiafia e totou mo e fakaako e Tohi Tapu.
1. Ko e ha kua lata a tautolu ke totou tumau e Tohi Tapu?
Ko e tagata kua totou tumau e Tohi Tapu, po ke “fakatufono a Iehova” to fiafia mo e kautū. (Totou Salamo 1:1-3.) Ke kamata aki, lali ke totou ai he tau minuti gahoa he tau aho takitaha. Ka mahani fakahaga a koe mo e Kupu he Atua, to fiafia lahi a koe he totou e Tohi Tapu.
2. Ko e heigoa ka lagomatai a koe ke aoga mai he totou e Tohi Tapu?
Ke aoga lahi mai he totou e Tohi Tapu, lata a tautolu ke fakamaoki ke manamanatu ke he mena ne totou e tautolu. Lata a tautolu ke totou mo e “manamanatu ai.” (Iosua 1:8) He totou e koe, hūhū hifo e tau hūhū tuga e: ‘Ko e heigoa kua talahau he mena nei ki a au hagaao ki a Iehova ko e Atua? Fakagahua fēfē e au e mena nei he moui haaku? Fakaaoga fēfē e au e tau kupu tohi nei ke lagomatai e falu?’
3. Fakatoka fēfē e koe e magaaho ke totou e Tohi Tapu?
Taufetului kia a koe ke moua e magaaho ke totou e Tohi Tapu? Tokologa a tautolu ne pihia. Lali fakamitaki ke “fakaaoga e mutolu e tau aho” po ke, tau magaaho. (Efeso 5:16) Maeke ai a koe ke fakatoka e magaaho pauaki ke totou e Tohi Tapu he tau aho takitaha. Falu tagata ne fakatoka e magaaho ke totou e Tohi Tapu he magaaho pogipogi. Falu ne fifili e taha magaaho he aho, liga he okioki kai laā. Falu ne totou e Tohi Tapu he magaaho afiafi to fano ke mohe. Ha e fē e magaaho mitaki lahi ma haau?
KUMIKUMI FAKAHOKULO
Fakaako e puhala ke moua e fiafia lahi haau he totou e Tohi Tapu. Fakaako ke tauteute fakamitaki ke aoga lahi mai he fakaako e koe e Tohi Tapu.
Tuga he fakaako a tautolu ke fiafia he kai e tau mena kai kehekehe, maeke ke fakaako ke fiafia he totou e Tohi Tapu
4. Fakaako ke fiafia he totou e Tohi Tapu
Liga nakai mukamuka ke kamata ke totou e Tohi Tapu. Ka e maeke a tautolu ke “manako lahi” ke taute pihia, tuga e tagata kua fiafia ke kai e tau mena kai foou. Totou 1 Peteru 2:2, ti tutala ke he hūhū nei:
-
Manatu kia a koe kaeke kua totou e koe e Tohi Tapu he tau aho takitaha, to eke ai mo mena kua fiafia mo e amaamanaki a koe ke taute?
Tā e VITIŌ ke kitia e puhala kua kamata e falu tagata ke fiafia he totou e Tohi Tapu. Ti tutala ke he tau hūhū nā.
-
He vitiō, ko e heigoa e tau paleko ne kautū e tau fuata ki ai?
-
Ko e heigoa ne lagomatai a lautolu ke tumau ke he foliaga ke totou e Tohi Tapu?
-
Taute fēfē e lautolu e totou e Tohi Tapu mo mena ke fiafia lahi?
Tau manatu ke lagomatai a koe ke kamata:
-
Fifili e fakaliliuaga he vagahau foou kua hakotika. Fakaaoga e New World Translation ka maama mitaki e koe e vagahau Palagi.
-
Fakamua ke totou e vala kua fiafia lahi a koe ki ai. Ma e tau manatu, kitekite e puha “Kamata ke Totou e Tohi Tapu.”
-
Fakamau hifo e tau mena ne totou e koe. Fakaaoga e “Fakamau Hifo e Tau Mena ne Totou e Koe” he puha he tohi nei.
-
Fakaaoga e JW Library®app. Maeke a koe ke totou mo e fanogonogo ke he Tohi Tapu i ai he ha matakavi, he fakaaoga e telefoni utafano po ke falu matini pihia.
-
Fakaaoga e tau appendix he New World Translation. Putoia ai e tau mepe, tau puha, mo e glossary ke moua e koe e fiafia lahi he totou.
5. Tauteute ma e fakaako Tohi Tapu haau
Totou Salamo 119:34, ti tutala ke he hūhū nei:
-
Ko e ha kua mitaki ke liogi to totou e Tohi Tapu po ke tauteute ma e fakaako Tohi Tapu haau?
Aoga lahi fēfē ki a koe e tau magaaho fakaako Tohi Tapu takitaha? He tauteute e koe e fakaakoaga nei, lali ke muitua e puhala nā:
-
A. Totou e tau paratafa hafagi he fakaakoaga.
-
E. Veveu ti totou e tau kupu tohi, mo e lali ke maama e puhala kua matutaki ai ke he vala tala.
-
I. Fakamailoga e tau matapatu kupu po ke tau talahauaga ne tali e tau hūhū takitaha; to lagomatai he mena nei a koe ke fakatutala ke he fakaakoaga mo e faiaoga haau.
Iloa nakai e koe?
Fakaaoga he Tau Fakamoli a Iehova e tau Tohi Tapu kehekehe. Ka e loto fakaaue pauaki a tautolu ke he New World Translation of the Holy Scriptures ha kua hakotika, maama, mo e fakaaoga ai e higoa he Atua.—Kikite e vala tala he kupega hila “Fai Tohi Tapu Nakai e Tau Fakamoli a Iehova?”
PEHĒ FALU TAGATA: “Ko e gahua uka lahi ke fakaako e Tohi Tapu. Ai fai magaaho au po ke lolelole foki.”
-
Fēfē e manatu haau?
MANATU KATOA
Ke aoga lahi mai he Tohi Tapu, fakatoka e magaaho ke totou ai, liogi ke maama e mena kua totou e koe, mo e tauteute ma e tau magaaho fakaako Tohi Tapu haau.
Liu Fakamanatu
-
Ko e heigoa ka lagomatai a koe ke aoga lahi mai he Tohi Tapu?
-
Magaaho fe ka fakatoka e koe ke totou mo e fakaako e Tohi Tapu?
-
Ko e ha kua mitaki ke tauteute ma e tau magaaho fakaako Tohi Tapu haau?
KUMI FOKI
Kumikumi falu puhala ka lagomatai a koe ke aoga lahi he totou e Tohi Tapu.
“Puhala ke Aoga Lahi Mai he Totouaga he Tohi Tapu” (Ko e Kolo Toko Nu. 1 2017)
Fakaako ke he tolu e puhala ke totou e Tohi Tapu.
Moua e puhala ke fiafia he totou e Tohi Tapu.
Moua falu manatu ke fakaako mai he tau tagata kua leva e totou he Tohi Tapu.
Liga Manako Foki a Koe
TAU HŪHŪ MAHANI MAU
Ko e Heigoa e Fakaakoaga Tohi Tapu ne Foaki he Tau Fakamoli a Iehova?
He fakaholoaga fetutalaaki ne foaki he Tau Fakamoli a Iehova kua nakai totogi, maeke a koe ke fakaaoga ha Tohi Tapu. Atāina ke uiina e magafaoa katoa po ke tau kapitiga ke fakalataha mo koe.
