LECCIÓN 31
¿Té̱ yéj Irreinoj Dios?
Pan nochi la Biblia tajtowa de Irreinoj Dios. Wan iga iní̱n Reino, Jehová kichi̱was yej nochipa kineʼ iga iní̱n Ta̱jli. ¿Té̱ yéj Irreinoj Dios? ¿Kén tikmatij iga goberna̱rojtoʼya? ¿Te̱ kichijya? ¿Wan te̱ yawi kichi̱wati? Iní̱n tajtanilismej motajto̱lkuepas pan iní̱n lección wan pan seuʼmej lecciones.
1. ¿Té̱ yéj Irreinoj Dios, wan a̱ʼ yéj Irrey?
Irreinoj Dios yawi se̱ gobiernoj yej Jehová kita̱lij. Irrey yawi Jesucristo wan goberna̱rowa desde el cielo (Mateo 4:17; Juan 18:36). La Biblia tajtowa de Jesús, kua̱ kijtowa: «Atamis iga goberna̱ro̱j» (Lucas 1:32, 33). Iga yéj Rey de Irreinoj Dios, kigoberna̱ros nochi la gente nigaj pan Ta̱jli.
2. ¿A̱ʼ yéj goberna̱roskej wan Jesús?
Jesús ayá̱ goberna̱ros ise̱lti. «Personas de nochi tribu, yej seuʼpa tajtowaj, de nochi a̱ltepe̱mej wan de nochi pai̱smej [...] goberna̱roskej» (Apocalipsis 5:9, 10, TNM). ¿Ke̱ski personas gobernaroskej wan Jesús? Desde ke Jesús onoya pan Ta̱jli, pux komatimej kinekij makitokakan Cristo. Pero pets 144.000 ya̱skej al cielo iga goberna̱roskej wan Jesús (xiktajto̱lti Apocalipsis 14:1-4). Yej ayá̱ ya̱skej pan el cielo ka̱wiskej nigaj pan Ta̱jli ka̱n Irreinoj Dios goberna̱ros (Salmo 37:29).
3. ¿Té íga Irreinoj Dios ma̱j ye̱kti gobiernoj ke nochi yej nigaj onokej pan Ta̱jli?
Onoʼ gobernantes yej kinekij makichi̱wakan yej ye̱kti, pero awel kichi̱waj nochi yej kinekij. Wan tamisan iga goberna̱rowaj wan seuʼya kalaki, yej anka niga moyo̱lmiktiá iga ia̱ltepe̱ʼ. Pero Jesús, el Rey de Irreinoj Dios ni-ágaj akipatas nike̱man. Dios kita̱lij «se̱ reinoj yej nike̱man poliwis» (Daniel 2:44). Jesús kigoberna̱ros nochi Ta̱jli wan kiye̱ʼitas nochi la gente. Yéj te̱neki wan kichi̱wa yej ye̱kti, wan kine̱xtilis la gente iga ijko̱nsan no makichi̱wakan: mamonekikan wan makichi̱wakan yej ye̱kti (xiktajto̱lti Isaías 11:9).
MATIMOMACHTI̱KAN MA̱J DE INÍ̱N TEMA
Matikitakan té íga Irreinoj Dios ma̱j ye̱kti ke nochi los gobiernos humanos.
4. Se̱ gobierno yej pux poderoso kigoberna̱ros nochi Ta̱jli
Jesucristo kipiá ma̱j tajpal wan wel ma̱j kigoberna̱ros la gente ke nochi los gobiernos humanos. Xiktajto̱ltikan Mateo 28:18, wan xitajto̱kan de iní̱n:
-
¿Té íga igobiernoj Jesús ma̱j ye̱kti ke yej de los gobiernos humanos?
Los gobiernos humanos goberna̱rowaj sékinsan la̱j wan tamij iga goberna̱rowaj. ¿Ijko̱nsan panos wan Irreinoj Dios? Xiktajto̱ltikan Daniel 7:14, wan xitajto̱kan de iní̱n:
-
¿Kén te̱pale̱wis Irreinoj Dios iga ayá̱ poliwis?
-
¿Kén te̱pale̱wis Irreinoj Dios iga kigoberna̱ros nochi Ta̱jli?
5. Los gobiernos humanos yawij poliwitij
¿Té íga moneki iga Irreinoj Dios makipolo los gobiernos humanos? Xikitakan el VIDEO, wan xitajto̱kan de iní̱n:
-
¿Te̱ tejté̱ yej aye̱kti kichi̱waj los gobiernos humanos?
Xiktajto̱ltikan Eclesiastés 8:9, wan xitajto̱kan de iní̱n:
-
¿Ticre̱rowa iga Irreinoj Dios moneki makipata nochi los gobiernos humanos? ¿Té íga?
6. Yej goberna̱roskej pan Irreinoj Dios te̱ojasij
Iga el Rey, Jesús, onoko ken ser humano nigaj pan Ta̱jli «wel te̱pale̱wiá iga amo matikchi̱wakan kua̱ꞌ tikchi̱wasnekij yej aye̱kti» (Hebreos 4:15). Jehová kitapejpen 144.000 tajta̱gamej wan siwa̱tkej yej yawij fieles iga magoberna̱rokan wan Jesús. Ini̱nmej personas wi̱tsej «de inochi raza, yej de se̱seʼpa iga tajtowaj, de inochi a̱ltepe̱mej iwá̱n de inochi pai̱smej» (Apocalipsis 5:9).
-
¿Kén timomachi̱liá iga Jesús wan yej íwan goberna̱roskej te̱ojasij? ¿Té íga?
Jehová kitapejpen tajta̱gamej wan siwa̱tkej de sejseuʼpa culturas wan epocas iga magoberna̱rokan wan Jesús.
7. Irreinoj Dios taojkuiltiá ma̱j ye̱kti ke los gobiernos humanos
Los gobiernos kita̱liáj leyes iga kinekij makipale̱wi̱kan igente. Irreinoj Dios kipiá no̱ leyes, wan igente kitajto̱lkaki. Xiktajto̱ltikan 1 Corintios 6:9-11, wan xitajto̱kan de iní̱n:
-
¿Kén ticre̱rowa iga ya̱ti el mundo kua̱ nochimej makichi̱wakan yej Dios kineki? a
-
¿Tikita iga onoʼ ye̱kti yej Jehová kitajtani iga matikchi̱wakan? ¿Té íga?
-
¿Kén tikmatij iga la gente yej akitajto̱lkaki iní̱n leyes weljo mopataj? (Xikitakan el versículo 11).
Los gobiernos kita̱liáj leyes iga makima̱nawi̱kan wan makipale̱wi̱kan igente. Irreinoj Dios kipiá no̱ leyes yej ma̱j ye̱kti yej kima̱nawiá wan kipale̱wiá igente.
YEJ SEKIN TATAJTANIJ: «¿Té̱ yéj Irreinoj Dios?».
-
¿Kén tiktajto̱lkuepaya?
TE̱ TIMOMACHTIJ
Irreinoj Dios yawi se̱ gobiernoj yej onoʼ pan el cielo wan kigoberna̱ros nochi iní̱n Ta̱jli.
Matikejla̱mikikan te̱ timomachtijkej
-
¿Aja̱ʼ yéj goberna̱ro̱skej pan Irreinoj Dios?
-
¿Té íga Irreinoj Dios ma̱j ye̱kti gobiernoj ke nochi yej onokej nigaj pan Ta̱jli?
-
¿Te̱ kineki Jehová makichi̱wakan igente de Irreinoj Dios?
XIKMATI MA̱J
Xiktajto̱lti yej Jesús kine̱xtij iga ka̱n onoya el Reino.
«¿Irreinoj Dios yawi se̱ tejté̱ yej onoʼ pan tocorazón?» (Artículo de jw.org)
¿Té íga kinekij yej tajto̱lmoya̱waj de Jehová makitajto̱lkakikan Irreinoj Dios wan ayéj los gobiernos humanos?
Ximomachti yej kijtowa la Biblia de los 144.000 yej Jehová kitapejpen iga magoberna̱rokan wan Jesús.
¿Te̱ kipale̱wij se̱ siwa̱ iga makita iga pets Dios wel kichi̱was iga maono justicia?
«Aprendí cómo se solucionarán las injusticias» (¡Despertad!, noviembre de 2011)
a Pan la sección 3 tikitaskej sekin tejté̱ de iní̱n iga kén kineki Dios matinemikan.
