LECCIÓN 19
¿Melá̱ kitokaj Cristo yej tajto̱lmoya̱waj de Jehová?
Yej tajto̱lmoya̱waj de Jehová nicre̱rowaj iga melá̱ niktokaj Cristo. ¿Té íga? Matikitakan té íga nicre̱rowaj iní̱n wan té íga nimoto̱ka̱wiáj ijkó̱n, wan no̱ tikitaskej kén nikne̱xtiáj iga nimonekij.
1. ¿Ka̱n kiki̱xtiáj yej kicre̱rowaj yej tajto̱lmoya̱waj de Jehová?
Jesús kijlij Dios: «Motájto̱l melaʼcie̱rtoj» (Juan 17:17). Yej tajto̱lmoya̱waj de Jehová nikchi̱waj kensan Jesús: yej nicre̱rowaj nochipa niki̱xtiáj pan Itajto̱l Dios. Xikita iga yej tajto̱lmoya̱waj de Jehová ijkí̱n nikchi̱wayaj desde ikia. Pan el año 1870, se̱ grupo de estudiantes de la Biblia puxsan moye̱ʼmachtijkej Itajto̱l Dios. Nochi yej kicre̱rowa̱yaj kikixtia̱yaj pan Itajto̱l Dios, hasta kua̱ yej kicre̱rowa̱yaj ayéj ken kine̱xtiayaj las Iglesias. Wan de ompa kine̱xtilia̱yaj seuʼmej yej momachtijkej. a
2. ¿Té íga nimoto̱ka̱wiáj yej tajto̱lmoya̱waj de Jehová?
Jehová kijtowa iga las personas yej kadora̱rowaj yawij itestigojmej iga kijtowaj yej melaʼcierto de yéj (Hebreos 11:4-12:1). Ken ejemplo, ikia Dios kijlij ia̱ltepe̱ʼ: «Amejeme̱n annotestigojmej» (xiktajto̱lti Isaías 43:10, TNM). Wan Jesús moto̱ka̱wiá «el Testigo Fiel» (Apocalipsis 1:5, TNM). Inó̱n íga pan 1931 niktapejpenkej iní̱n to̱ka̱ testigos de Jehová o yej tajto̱lmoya̱waj de Jehová. Puxsan nipa̱kij iga ijkó̱n nimoto̱ka̱wiáj.
3. ¿Kén kine̱xtiáj yej tajto̱lmoya̱waj de Jehová iga kinekij seuʼmej kensan Jesús kichij?
Jesús pux kinekiá idiscipulojmej, yéj kitaya ken ifamiliaj (xiktajto̱lti Marcos 3:35). Yej tajto̱lmoya̱waj de Jehová niseka̱ntitokej, niawij se̱ familia mundial. Wan entre nejeme̱n nimoijliáj «nokni̱n» wan «siwa̱iknin» (Filemón 1, 2, TNM). Wan no̱ nikchi̱waj yej kijtowa Biblia: «Xiknekika̱n tokni̱wa̱n» (1 Pedro 2:17). Yej tajto̱lmoya̱waj de Jehová nikne̱xtiáj iga nimonekij de miak maneras; se̱ manera yawi kua̱ nikpale̱wiáj nokni̱wan de no̱ya̱n la̱j kua̱ kipano̱ltiáj yej aye̱kti.
MATIMOMACHTI̱KAN MA̱J DE INÍ̱N TEMA
Matikye̱ʼi̱xmatikan yej kipano̱ltijkej yej tajto̱lmoya̱waj de Jehová wan matikitakan té íga melá̱ niktokaj Cristo.
Yej melá̱ kitokaj Cristo nochi yej kicre̱rowaj onoʼ pan la Biblia wan kine̱xtiliáj seuʼmej personas.
4. Yej nicre̱rowaj niki̱xtiáj pan la Biblia
Jehová kijtoj iga yej melá̱ kijtowa la Biblia ma̱j moye̱ʼojasiá. Xiktajto̱ltikan Daniel 12:4 wan xitajto̱kan de iní̱n:
-
Pan ia̱ltepe̱ʼ Dios, ¿te̱ yej «pux komatiás» kua̱ mamomachti̱kan Itájto̱l Dios?
Xikita kén momachtia̱yaj Itájto̱l Dios se̱ grupo de estudiantes de la Biblia, wan ompa no̱ monechkowa̱ya Charles Russell. Xikitakan el VIDEO wan xitajto̱kan de iní̱n:
-
Ken mone̱xtij pan video, ¿kén momachtia̱yaj Itajto̱l Dios Charles Russell wan seuʼmej estudiantes de la Biblia?
¿Tikmatiá?
Sekin biáj, nikpatakej yej nicre̱rowaj. ¿Té íga? Iga Dios kichi̱wa iga ajachi ajachi manikojasikan Itajto̱l, ijko̱nsan ken kua̱ tane̱stiwi̱ el sol ajachi ajachi ma̱j ta̱wijtiá wan welja ma̱j tikitaj se̱ paisaje (xiktajto̱ltikan Proverbios 4:18). Inó̱n íga, aunke la Biblia amopata, kua̱ ma̱j nikye̱ʼojasij nikpataj yej nicre̱rowaj.
5. Nikchi̱waj ken iga nimoto̱ka̱wiáj
¿Té íga niktapejpenkej manimoto̱ka̱wikan yej tajto̱lmoya̱waj de Jehová? Xikitakan el VIDEO wan xitajto̱kan de iní̱n:
-
¿Té íga yawi ye̱kti iní̱n to̱ka̱ yej tajto̱lmoya̱waj de Jehová?
¿Té íga Jehová kitapejpen a las personas iga maya̱kan itestigojmej? Iga miakejmej kine̱xtiáj yej ayéj cierto de yéj, ini̱nmej personas kijtowa̱yaj la verdad de Jehová, yej melaʼ Dios. Matikitakan sekin mentiras yej kine̱xtiáj seuʼmej.
Sekin religiones kine̱xtiáj iga Dios kineki matiknenti̱kan idolojmej iga matikadora̱rokan. Pero, ¿yawi ijkó̱n? Xiktajto̱ltikan Levítico 26:1 wan xitajto̱kan de iní̱n:
-
¿Te̱ kine̱xtiá la Biblia? ¿Kén kita Jehová idolojmej?
Sekin yej tamachtiáj pan las religiones kine̱xtiáj iga Jesús yawi Dios. Pero, ¿yawi ijkó̱n? Xiktajto̱ltikan Juan 20:17 wan xitajto̱kan de iní̱n:
-
¿Te̱ kine̱xtiá la Biblia? ¿Yawi Dios wan Jesús ino̱nsan persona?
-
¿Kén timomachi̱liá kua̱ tikmati iga Jehová kiti̱tan itestigojmej iga makine̱xti̱kan la verdad de yéj wan de Ipiltsi̱n?
6. Nimonekij
La Biblia kine̱xtiá iga yej melá̱ kitokaj Cristo seka̱ntitokej ken kua̱ las partes de tocuerpoj. Xiktajto̱ltikan 1 Corintios 12:25, 26 wan xitajto̱kan de iní̱n:
-
¿Te̱ moneki makichi̱wakan yej melá̱ kitokaj Cristo kua̱ seuʼmej moyo̱lmiktijtokej?
-
Ken tikita téj, ¿kén ne̱si iga monekij yej tajto̱lmoya̱waj de Jehová?
Kua̱ yej tajto̱lmoya̱waj de Jehová de seuʼ la̱j moyo̱lmiktiáj, iyikni̱wan de no̱ya̱n la̱j imaní̱n kipale̱wiáj. Ken ejemplo, Xikitakan el VIDEO. Wan de ompa xitajto̱kan de Iní̱n:
-
¿Tikijtowa̱ya iga kua̱ yej tajto̱lmoya̱waj de Jehová tapale̱wiáj pan las labores de socorro kine̱xtiáj iga monekij? ¿Té íga?
Yej melá̱ kitokaj Cristo kine̱xtiáj iga kinekij seuʼmej kua̱ kipale̱wiáj.
YEJ SEKIN KIJTOWAJ: «Yej tajto̱lmoya̱waj de Jehová yawijo se̱ religión nueva».
-
¿Desde ke̱man kito̱ka̱wij Jehová «testigos» a las personas yej kadora̱rowaj?
TE̱ TIMOMACHTIJ
Yej tajto̱lmoya̱waj de Jehová melá̱ kitokaj Cristo. Niawij se̱ familia mundial yej kadora̱rowaj Dios, nochi yej nikne̱xtiáj onoʼ pan Biblia, wan nikne̱xtiliáj seuʼmej ken melaʼnokta yawi Jehová.
Matikejla̱mikikan te̱ timomachtijkej
-
¿Té íga nimoto̱ka̱wijkej yej tajto̱lmoya̱waj de Jehová?
-
¿Kén nikne̱xtiáj iga nimonekij?
-
¿Ticre̱rowa iga yej tajto̱lmoya̱waj de Jehová melá̱ kitokaj Cristo?
XIKMATI MA̱J
Ma̱j xine̱ʼi̱xmatikan.
Los testigos de Jehová: una historia de fe viva. Parte 1: Salen de la oscuridad (1:01:27)
Xikita kén yej tajto̱lmoya̱waj de Jehová kine̱xtijkej iga se̱ enseñanza ayéj cierto.
Xikasi la respuesta de miak tajtanilis yej téj wel tikpiás de yej tajto̱lmoya̱waj de Jehová.
«Preguntas frecuentes sobre los testigos de Jehová» (Sección de jw.org)
Iga kijiyaya seuʼmej Stephen kichij komati tejté̱ yej aye̱kti. Xikita te̱ kitaʼ pan yej tajto̱lmoya̱waj de Jehová yej kichij iga makipata ivida.
«Mi vida iba de mal en peor» (La Atalaya, 1 de julio de 2015)
a Desde 1879 ia̱ltepe̱ʼ Dios nochipa kiki̱xtiá La Atalaya iga makine̱xti yej kijtowa la Biblia.
