LECCIÓN 16
¿Te̱ kichij Jesús kua̱ onoya pan ta̱jli?
Casi nochipa, kua̱ la gente tajla̱miki pan Jesús, kejla̱mikij ken se̱ kone̱tsin yej awel kichi̱wa nité̱, ken se̱ sabio profeta o se̱ ta̱gaʼ yej mikisne̱kiya. Pero si ma̱j timoye̱ʼmachtiáj de yej kichij Jesús pan Ta̱jli, ¿melá̱ iga wel ma̱j tiki̱xmatiskej? Pan iní̱n lección, tikitaskej sekin tejté̱ yej ye̱kti yej kichij Jesús wan kén wel mitspale̱wiá.
1. ¿Katiapa tekipano̱l ma̱j kichi̱wasnekiá Jesús?
Jesús ma̱j kinekiá «makine̱xti ye̱kti noticiaj de Irreinoj Dios» a las personas (xiktajto̱lti Lucas 4:43). Tajtoj de ye̱kti noticias iga Dios kita̱lia̱ya se̱ reinoj o gobiernoj yej kipolowa̱ya nochi yej a̱man te̱yo̱lmiktiá. a Por tres años y medio, Jesús tajtoj de iní̱n ye̱kti noticias (Mateo 9:35).
2. ¿Té íga Jesús kichij milagros?
La Biblia kine̱xtiá iga «Jesús kichij miaʼ milagros, iwá̱n yej pox ye̱kti iga Dios kipale̱wij» (Hechos 2:22). Gracias iga ipoder Dios, Jesús kichij iga se̱ tormenta mapachiwi, kitamaʼ pux komatimej, kipajtij yej onoyaj enfermos wan kixitij sekin yej miktoyaj (Mateo 8:23-27; 14:15-21; Marcos 6:56; Lucas 7:11-17). Los milagros yej Jesús kichij kine̱xtij iga Dios kiti̱tan. Wan no̱, kine̱xtij iga Jehová kipiá el poder iga makitami nochi yej te̱yo̱lmiktiá.
3. ¿Te̱ timomachtiáj de yej Jesús kichij pan ivida?
Jesús nochipa kichij yej Jehová kijlij (xiktajto̱lti Juan 8:29). Nochipa yajki fiel hasta que miguiʼ wan kichij yej Itaj kitekimaʼ aunke sekin akinekiáj iga makichi̱wa. Kine̱xtij iga tejeme̱n wel tikchi̱waj yej Dios te̱ijliá aunke matikpano̱lti̱kan tejté̱ yej aye̱kti. Ijkí̱n, Jesús «kine̱xtij» iga yej kitokaj «makichi̱wakan» kensan yéj kichij (1 Pedro 2:21).
MATIMOMACHTI̱KAN MA̱J DE INÍ̱N TEMA
Matikitakan kén kine̱xtia̱ya Jesús ye̱kti noticias wan kén kichi̱waya milagros.
4. Jesús kine̱xtij ye̱kti noticias
Jesús nejnen komati kilómetros pan ojti yej pux talpino̱ltaj iga makine̱xtili ye̱kti noticias a las personas yej kasiá. Xiktajto̱ltikan Lucas 8:1 wan xitajto̱kan de iní̱n:
-
¿Kine̱xtilij Jesús petsan la gente yej wi̱tsiáj ka̱n yéj iga makikakikan?
-
¿Te̱ kichij Jesús iga makasi la gente?
Dios kijtoj iga el Mesías kine̱xtia̱ya ye̱kti noticias. Xiktajto̱ltikan Isaías 61:1, 2 wan xitajto̱ka̱n de iní̱n:
-
¿Kén mochij pan Jesús iní̱n profecía?
-
¿Tikijtowa̱ya téj iga a̱man la gente kikakisneki ye̱kti noticias?
5. Jesús kine̱xtij lecciones yej pux te̱pale̱wiá
Aunke kine̱xtij ye̱kti noticias de Irreinoj Dios, Jesús kine̱xtij lecciones yej pux te̱pale̱wiá. Matikitakan sekin de iní̱n yej tikasij pan el Sermón del Monte. Xiktajto̱ltikan Mateo 6:14, 34 wan 7:12, wan xitajto̱kan de iní̱n:
-
¿Te̱ ye̱kti consejos te̱maʼ Jesús pan iní̱n versículos?
-
¿Tikijtowa̱ya iga ini̱nmej consejos wel kipale̱wiá la gente pan iní̱n tiempoj?
6. Jesús kichij milagros
Jehová kimaʼ Jesús el poder iga makichi̱wa milagros. Ken ejemplo, Xiktajto̱ltikan Marcos 5:25-34 o xikitakan el VIDEO. De ompa xitajto̱kan de iní̱n:
-
Ken tikitakej pan video, ¿te̱ kimatiá iní̱n siwa̱ yej onoya enferma?
-
¿Te̱ yej ma̱j tikye̱ʼita de iní̱n milagro?
Xiktajto̱ltikan Juan 5:36 wan xitajto̱kan de iní̱n:
-
¿Te̱ «kine̱xtiá» los milagros yej Jesús kichij?
¿Tikmatiá?
Casi nochi yej tikmatij de Jesús onoʼ pan los cuatro libros bíblicos yej moto̱ka̱wiá Evangelios. Yej kijkuilojkej los cuatro Evangelios—Mateo, Marcos, Lucas wan Juan—kijtojkej miak tejté̱ yej Jesús kichij. Nochi tejté̱ yej kijtojkej tene̱xtiliá yej Jesús kichij pan ivida.
-
MATEO
yajki yej achto kijkuiloj se̱ de los Evangelios. Pan ilibroj tajtowa de yej kine̱xtij Jesús, pero ma̱j tajtowa de yej kijtoj Jesús de Irreinoj Dios.
-
MARCOS
kijkuiloj el Evangelio yej ma̱j ali̱mpa. Iní̱n relato yawi dinámico wan emocionante.
-
LUCAS
kine̱xtiá té íga moneki matikchi̱waka̱n oración wan iga Jesús kiye̱ʼitaya siwa̱tkej.
-
JUAN
kine̱xtiá kén yajki Jesús, iga kine̱xtiá kua̱ Jesús tajtoj wan iamigojmej wan no̱ wan seuʼmej personas.
YEJ SEKIN KIJTOWAJ: «Jesús yajkisan se̱ ta̱gaʼ yej kichij yej ye̱kti».
-
¿Te̱ tikijtowa téj?
TE̱ TIMOMACHTIJ
Jesús tajto̱lmoyaj de Irreinoj Dios, kichij milagros wan nochipa kitajto̱lkaguiʼ Jehová.
Matikejla̱mikikan te̱ timomachtijkej
-
¿Katiapa tekipano̱l ma̱j kichi̱wasnekiá Jesús kua̱ onoya pan Ta̱jli?
-
¿Te̱ kine̱xtij los milagros yej kichij Jesús?
-
¿Kén te̱pale̱wiá las lecciones yej Jesús kine̱xtij?
XIKMATI MA̱J
¿De te̱y nochipa tajtowa̱ya Jesús?
«¿Por qué es importante para Jesús el Reino de Dios?» (La Atalaya, 1 de octubre de 2014)
Xikita té íga tikmatij iga melaʼnokta Jesús kichij milagros.
«Los milagros de Jesús: ¿qué puede aprender de ellos?» (La Atalaya, 15 de julio de 2004)
Xiktajto̱lti kén mopataʼ ivida de se̱ ta̱gaʼ kua̱ momachtij iga Jesús ayá̱ tajla̱mikiá pan yéjsan.
«Lo más importante de mi vida era yo» (La Atalaya, 1 de octubre de 2014)
Xikita yej Jesús kipano̱ltij pan ivida en orden cronológico.
«La vida de Jesús en la tierra» (La Biblia. Traducción del Nuevo Mundo, apéndice A7)
a Pan las lecciones 31 a 33 mone̱xtiá te̱ kijto̱jneki Irreinoj Dios.
