Jehová kineki iga xikye̱ʼixmati. ¿Té íga? Yéj kimati iga kua̱ téj ma̱j tiki̱xmatis—icualidades, wan yej yawi kichi̱wati— ma̱j tiknekis ximochi̱wa iyamigoj. ¿Pero welij timochi̱waj iyamigoj Dios? (Xiktajto̱lti Salmo 25:14). ¿Te̱ wel tikchi̱wa iga xaj iyamigoj? La Biblia kitajto̱lkuepa iní̱n tajtanilismej wan kine̱xtiá iga i-amistad Jehová yawi yej ma̱j importante yej wel tikpiás.

1. ¿Te̱ invitación mitsmaka Jehová?

«Ximona̱techo̱kan ka̱n Dios wan yej yawi mona̱techo̱ti ka̱n anmejeme̱n» (Santiago 4:8, TNM). ¿Te̱ kijto̱sneki iní̱n tajto̱lmej? Iga Jehová mitsijliá iga ximochi̱wa iyamigoj. Anka sekin tajla̱mikij iga yawi difícil iga mamochi̱wakan amigoj de ágaj yej awel kitaj wan menos de Dios. Pero yéj te̱kajte̱wilij pan Itajto̱l, la Biblia, nochi yej tiknekij matikmatikan de ipersonalidad iga matimona̱techo̱kan ka̱n yéj. Kua̱ tiktajto̱ltiáj pan la Biblia yej Dios te̱ijlisneki, to-amistad wan Jehová mochi̱wa ma̱j fuerte aunke awel matikitakan.

2. ¿Té íga Jehová yawi yej ma̱j ye̱kti amigoj yej wel tikpiá?

Jehová yawi yej ma̱j mitsneki. Yéj kineki xipa̱ki wan xitajto wan yéj kua̱ ma̱j tiknekis. Wel «xikijli̱kan Dios nochi yej amejwa̱n mitzyo̱lmiktijtokej iga yéj kineki mamitzpale̱wi̱ka̱n» (1 Pedro 5:7). Jehová nochipa kipale̱wisneki, kiyo̱lta̱lisneki wan kikakisneki iamigojmej (xiktajto̱lti Salmo 94:18, 19).

3. ¿Te̱ kineki Jehová iga makichi̱wakan iamigojmej?

Jehová kineki nochi la gente, pero «kipiá se̱ ye̱kti amistad wan yej kichi̱waj yej ye̱kti» (Proverbios 3:32). Jehová kineki iga iamigojmej makichi̱wakan yej yéj kineki wan amo makichi̱wakan tejté̱ yej kita aye̱kti. Anka sekin tajla̱mikij iga nike̱man kichi̱waskej yej Dios kineki. Pero Jehová kojasi a las personas yej kine̱xtiáj iga melá̱ kinekij Dios wan kiyo̱lpaktisnekij (Salmo 147:11; Hechos 10:34, 35).

 MATIMOMACHTI̱KAN MA̱J DE INÍ̱N TEMA

4. Abrahán yajki amigoj de Jehová

Yej la Biblia kine̱xtiá de Abrahán (yej no̱ moto̱ka̱wiá Abrán) te̱ne̱xtiliá te̱ kijto̱sneki matia̱kan iamigoj Dios. Xiktajto̱ltikan de Abrahán pan Génesis 12:1-4 wan xitajto̱ka̱n de iní̱n:

• ¿Te̱ kijlij Jehová iga makichi̱wa Abrahán?

• ¿Te̱ kijlij Jehová iga kimakaya?

• ¿Te̱ kichij Abrahán kua̱ Jehová kijlij te̱ makichi̱wa?

5. Yej Jehová kineki iga makichi̱wakan iamigojwan

Tinochimej tikcháj tejté̱ de to-amigojmej.

• ¿Te̱ tikneki makichi̱wakan moamigojmej?

Xiktajto̱ltikan 1 Juan 5:3 wan xitajto̱ka̱n de iní̱n:

• ¿Te̱ kineki Jehová iga makichi̱wakan iamigojmej?

Iga matiktajto̱lkakikan Jehová, anka moneki matikpatakan kenga tinemij. Xiktajto̱ltikan Isaías 48:17, 18 wan xitajto̱ka̱n de iní̱n:

• ¿Té íga Jehová kitajtaniliá iamigojmej iga makipatakan kenga nemij?

 6. Yej Jehová kichi̱wa iga iamigojmej

 TE̱ TIMOMACHTIJ

Jehová mochi̱wasneki moamigoj wan mitspale̱wis iga ximona̱techo ka̱n yéj.

Matikejla̱mikika̱n te̱ timomachtijkej

• ¿Kén kipale̱wiá Jehová iamigojmej?

• ¿Té íga Jehová kijliá iamigojmej iga makipatakan kenga nemij?

• ¿Ticre̱rowa iga Jehová yawi pux exigente wan iamigojmej? ¿Té íga ijkó̱n titajla̱miki?