LECCIÓN 02
La Biblia te̱ijliá iga tiawij tiyo̱lpa̱kitij
Miak gente kipano̱ltijtokej komati tejté̱ yej aye̱kti wan iní̱n kichi̱wa iga mamoyo̱lmiktijtokan, macho̱katokan, wan makualo̱tokan. ¿Tikpano̱ltijtoʼ tejté̱ ken iní̱n? Anka timoyo̱lmiktijtoʼ iga tikpiá se̱ enfermedad o mik ágaj yej pux tiknekiá, anka timotajtani siga ijkó̱n nochipa tonoskej. Yej la Biblia kijtowa kichi̱wa iga matimomachi̱li̱kan ye̱kti.
1. ¿Te̱ esperanza te̱maka la Biblia?
La Biblia te̱ne̱xtilia té íga pux timoyo̱lmiktijtokej. Wan no̱ te̱ijliá iga Dios yawi kipolo̱ti nochi yej te̱yo̱lmiktiá. Yej kijtowa la Biblia «kichi̱wa iga xikchi̱xto tejté̱ yej ye̱kti» (xiktajto̱lti Jeremías 29:11, 12, TNM). Yej kijtowa la Biblia te̱pale̱wiá iga matipa̱kikan wan amo pux matimoyo̱lmiktikan. Wan no̱ te̱ijliá iga tiawij tiyo̱lpa̱kitij iga nochipa.
2. ¿Kén ya̱ti kua̱ mamochi̱wa yej kijtowa la Biblia?
Kua̱ mamochi̱wa yej kijtowa la Biblia, «ayʼya mikiloj, niga cho̱kaloj, ayʼya ágaj tenatos iga kualotos» (xiktajto̱lti Apocalipsis 21:4, ITM). Nochi yej a̱man te̱yo̱lmiktiá yawi poliwiti, tikpiaskej takual, ni-ágaj te̱chi̱wilis yej aye̱kti, ni-ágaj onos enfermo niga mikis. La Biblia kijtowa iga tiawij tiyo̱lpa̱kitij nochipa nigaj pan ta̱jli kua̱ mamochi̱wa se̱ paraíso.
3. ¿Kén tikmatij iga yej kijtowa la Biblia yawi mochi̱wati?
Komatimej kichi̱xtokej iga matiye̱ʼonokan pero akimatij siga yawi mochi̱wati. Pero yej kijtowa la Biblia yawi mochi̱wati. Iga matikmatikan iga ijkó̱n yawi mochi̱wati moneki «nochipa [matimomachti̱kan] itájto̱l Dios» (Hechos 17:11, ITM). Siga tikchi̱wa iní̱n yawi mitspale̱witi iga xikchi̱xto yej Dios yawi kichi̱wati.
MATIMOMACHTI̱KAN MA̱J DE INÍ̱N TEMA
Matimomachti̱kan sekin tejté̱ yej kijtowa la Biblia yej Dios yawi kichi̱wati. Matikitakan kén nemi kipale̱wiá sekin personas iga kichi̱xtokej iní̱n.
4. La Biblia kijtowa iga nochipa tiawij tiyo̱lpa̱kitij
Nochi yej onoʼ pan el recuadro inó̱n yej Dios kijtowa pan la Biblia iga yawi mochi̱wati. ¿Katiá tikneki mamochi̱wa? ¿Té íga?
Xiktajto̱ltikan nochi los textos bíblicos yej onoʼ pan el recuadro wan xitajto̱kan de iní̱n:
-
¿Tikijtowa iga iní̱n textos te̱pale̱wiá iga matikchi̱xtokan tejté̱ yej ye̱kti? ¿Wel kipale̱wis mofamiliaj wan moamigojmej iní̱n textos?
Xitajla̱miki ken ya̱ti kua̱ mamochi̱wa iní̱n:
|
NI-ÁGAJ KIPANO̱LTIS INÍ̱N: |
TINOCHIMEJ TIKPIASKEJ INÍ̱N: |
|---|---|
|
|
|
|
|
|
|
|
|
|
5. Yej la Biblia kijtowa iga yawi mochi̱wati te̱pale̱wiá iga matiye̱ʼonokan
Miak gente moyo̱lmiktijtokej wan kuejkuesitokej iga pano̱toʼ yej aye̱kti. komatimej motekitiliáj iga makitamikan yej aye̱kti. Xikita kén miakejmej nemi kipale̱wiáj yej kijtowa la Biblia iga tiawij tiye̱ʼonotij. Xikitakan el VIDEO wan xitajto̱kan de iní̱n:
-
Ken tikitakej pan el video, ¿te̱ yej aye̱kti kiyo̱lmiktia̱ya Rafika?
-
Aunke ayá̱ poliwiʼ yej kiyo̱lmiktiaya, ¿kén kipale̱wij la Biblia?
Kua̱ tikchi̱xtokej yej Dios yawi kichi̱wati, te̱pale̱wiá iga amo pux matimoyo̱lmiktikan wan matipa̱kikan aunke tikpano̱ltiáj tejté yej aye̱kti. Xiktajto̱ltikan Proverbios 17:22 wan Romanos 12:12, wan xitajto̱kan de iní̱n:
-
A̱man iga tikmati yej Dios yawi kichi̱wati, ¿wel mitspale̱wis iga xiono ma̱j ye̱kti? ¿Té íga ijkó̱n tikijtowa?
YEJ SEKIN KIJTOWAJ: «Pux ye̱kti yej la Biblia kijtowa iga yawi mochi̱wati pero atikmatij siga mochi̱was».
-
Yej kijtowa la Biblia yawi mochi̱wati, ¿tikijtowa iga moneki matimomachti̱kan ma̱j de la Biblia? ¿Té íga matikchi̱wakan?
TE̱ TIMOMACHTIJ
A̱man timoyo̱lmiktijtokej iga tikpano̱ltiáj yej aye̱kti pero yej la Biblia kijtowa te̱pale̱wiá iga matikchi̱xtokan yej Dios yawi kichi̱wati wan iní̱n kichi̱wa iga matiyo̱lpa̱kikan.
Matikejla̱mikikan te̱ timomachtijkej
-
¿Té íga moneki iga la gente makimati yej Dios yawi kichi̱wati?
-
¿Te̱ kijtowa la Biblia iga Dios yawi kichi̱wati?
-
¿Kén mitspale̱wiá iga xikchi̱xto yej Dios yawi kichi̱wati?
XIKMATI MA̱J
Xikmati ma̱j kén wel mitspale̱wiá iga xikchi̱xto yej Dios yawi kichi̱wati.
«Esperanza: ¿dónde hallarla?» (¡Despertad!, 22 de abril de 2004)
Xikita kén kipale̱wiá yej kipiáj se̱ enfermedad yej apajti iga kichi̱xtokej yej Dios yawi kichi̱wati.
«¿Wel te̱pale̱wiá la Biblia kua̱ tikpiáj se̱ kokolis?» (Artículo de jw.org)
Kua̱ tikitas iní̱n video íwan takuikalis xitajla̱miki iga téj wan mofamiliaj anmonokej pan paraíso wan anyo̱lpa̱kij iga mochij yej kijtowa la Biblia.
Xiktajto̱lti kén mopataʼ ivida de se̱ ta̱gaʼ yej kichi̱waya protestas kua̱ ki̱xmatiʼ yej Dios yawi kichi̱wati.
«Ya no siento la necesidad de cambiar el mundo» (La Atalaya, 1 de julio de 2013)
