“Iyejkotika yejon tonajli ijkuak melak ijtlakauis tlaltikpaktli. Ijkuak uejueyimej kalpamej apachiuiskej. Ijkuak melak tona yes ken xkeman panouaya. Ijkuak melak chikauak ajakakiyauis. Ijkuak tlauakis pampa xonias atl. Ijkuak yolkamej niman kojtin popoliuiskej. Yejuin xsan tlen yakaj kinemilia, ciencia kijtouaj ika yejuin tlen panos ipampa tlen tlaltikpakchanejkej kichiujtokej”. Yejuin tlen okijto António Guterres, Secretario General de las Naciones Unidas, itech tlen okitetomili Grupo Intergubernamental de Expertos itech Cambio Climático, tlen onoijto ipan 4 de Abril del 2022.

 “Ixtlamatkej kijtouaj ika san ipan seki xiujtin melak tona yes niman yejuin uelis kimijtlakos yejon 423 parques tlen onkatij Estados Unidos, pampa yejuin parques xkixikouaj kampa melak tona. Nochi tlen ompa uelis panos melak temojti yes, uelis tlajchinauis pampa melak tona yes noso apachiuiskej pampa hielo patis noso pampa mar ueyiyas”. (“Flooding Chaos in Yellowstone, a Sign of Crises to Come” [Caóticas inundaciones en Yellowstone, un aviso de las crisis que vendrán], The New York Times, 15 de junio del 2022).

 ¿Uelis noyektlalis nochi tlen kijtlakoua yejuin tlaltikpaktli? Tla kema, ¿akinon uelis kichiuas? Xkita tlen kijtoua Biblia.

 Ipan Biblia tikpouaj ika toTajtsin kinpopolos “on yejhuan quixoxotoniaj on tlalticpactli” (Apocalipsis 11:18, In Yencuic Iyectlajtoltzin Dios). Yejuin tlaxelojli techmachtia yeyi tlemach:

1.  1. Tlaltikpakchanejkej melak kijtlakoskiaj tlaltikpaktli.

2.  2. Uelis noyektlalis ken yoijtlakauj yejuin tlaltikpaktli.

3.  3. Tlaltikpakchanejkej xuelis tlayektlaliskej san toTajtsin uelis kichiuas.

 Biblia kuajli techijlia ika “in tlaltikpaktli xkaman nopatla” (Eclesiastés 1:4). Nochipa ompa chantilos.

•   “On yolmelajkej tlakamej kinmakaskej on kuajli tlajli, para ipan chantiskej nochipa” (Salmo 37:29).

 Tlaltikpaktli noyektlalis niman más kualtsin nesis.

•   “Ipan on tonajli, on xalpatlajkan niman on tlaluatsalkan, sanoyej pakanesiskej pampa xochiyouaskej” (Isaías 35:1).