Organización Mundial de la Salud (OMS), okijto ika hasta ipan 23 de mayo de 2022, yomijkaj 6,270,000 millones ipampa COVID-19. San ika, yejuamej yokijtokaj ipan 5 de mayo de 2022, ika melak miyekej yomijkej xijkon ken miyekej kinemiliaj. Noijki (OMS) okijtojka ika ipan 2020 niman 2021, yomijkaj kanaj 14,900,000 millones ipampa COVID-19. ¿Tlenon kijtoua Biblia itech tlen panotika?

•    Jesús okijto ika ipan itlamiyan tonaltin oniaskiaj “miyek kualolistli” (2 Timoteo 3:1; Lucas 21:11).

 Tlen Jesús okijto nochiujtika aman. Tla tikneki tikmatis más, xpoua yejuin tlamachtijli: ¿Cuál es la señal de los “últimos días” o “los tiempos finales”?

•    “ToTajtsin Dios [...] nochipa techyoltlalijtikaj. Dios techyoltlalia ipan nochi on tlen tikijyouiyaj” (2 Corintios 1:3, 4).

 Biblia melak yokinpaleui niman yokinyolseui akin yomik se inchanejkauj. Tla tikneki tikmatis más, xpoua yejuin tlamachtiltin: “Tlen mitspaleuis maka melak xmoyolkokojto: Tlen uelis tikchiuas” niman “Tlen más uelis kinpaleuis akin noyolkokouaj”.

•    “Mauajla moTekiuajyo. Manochiua nikan ipan tlaltikpaktli tlen tejua tikneki, ijkon ken nochiua ne iluikak” (Mateo 6:10, Traducción del Nuevo Mundo).

 Sa achijtsin poliui ijkuak iTekiuajyo toTajtsin tlayektlalis, “ijkuakon, xok yakaj kijtos: ’Nikualo’” (Marcos 1:14, 15; Isaías 33:24). Tla tikneki tikmatis más itech iTekiuajyo toTajtsin niman itech tlen kichiuas, xkita video “¿Tlenon kijtosneki iTekiuajyo toTajtsin?”.

 Tlen kijtoua Biblia, uelis mechpaleuis tejua iuan mochanejkauan, niman tlen kijtoua nochiuas ika tlayekapan uelis mechyolchikauas.