¡NOCHIPA XKITSTO!
2023: Se xiuitl tlen melak otechtlajyouilti | ¿Tlenon kijtoua Biblia?
Tlen opanok ipan xiuitl 2023 ipan nochi tlaltikpaktli, techititia ika itinemij “ipan itlamiyan tonaltin” (2 Timoteo 3:1, Traducción del Nuevo Mundo). Biblia yokijtojka ika nochiuaskia nochi tlen aman panotika. Xkita seki tlen opanok.
Biblia niman seki tlen opanok ipan nochi tlaltikpaktli
“Nisiuj niman uejka [onka] guerras” (Mateo 24:6).
“Más miyekan inochiujtika Guerras ipan tlaltikpaktli”. a
Xkimita tlamachtiltin “¿Quién protegerá a los civiles?” niman “Nopopoloua 2 billones de dólares ipampa guerras”.
“Tlalolinis miyekan” (Marcos 13:8).
“Ijkuak opeuj xiuitl 2023 hasta aman, yotlalolin 13 veces niman chikauak kanaj 7 noso más. Xmás keman ijkon chikauak tlalolini”. b
Xkita tlamachtijli “Chikauak tlalolini Turquía niman Siria”.
“Miyek tlajtlamach temojtij” (Lucas 21:11).
“Yopanok ijkuak san totoniaya tlaltikpaktli niman yopeuj melak tetlatia tonaltsintli” (António Guterres, secretario general de las Naciones Unidas). c
Xkita tlamachtijli “Ipan 2023 melak onopatlak ken tona”.
“Onyas apistli” (Mateo 24:7).
“2023: Se xiuitl más para akin xkimatij tlenon kichiuaskej para ueliskej kintlakualtiskej infamilias”. d
Xkita tlamachtijli “Ipampa guerra niman pampa xok kiyaui ken noneki xonka miyek tlakuajli”.
“Panos tlen melak xkuajli niman ouijtika yes titlaxikos” (2 Timoteo 3:1, TNM).
“Ipan nochi tlaltikpaktli, se itech 8 tlaltikpakchanejkej melak najmanaj”. e
Xkita tlamachtijli “Aman telpokamej melak najmanaj”.
¿Tlenon panos ipan xiuitl 2024?
Xakaj kimati tlen panos ipan xiuitl tlen uajlauj. San ika, tlen aman panotika techititia ika xok uejkauis ika iTekiuajyo toTajtsin tlen onka iluikak, kinpopolos nochimej tekiuajyomej tlen amantsin techtlajyouiltiaj (Daniel 2:44; Apocalipsis 21:4).
Tla aman tajmanaj noso tiajmankamikij uelis tiktlajtlaniliskej toTajtsin matechpaleui. Biblia kijtoua:
“Ijkuak ninomojtia, motech niktlalia noyojlo” (Salmo 56:3).
¿Kenon uelis tikteititiskej ika titlaneltokaj itech toTajtsin? Tikuelitaskiaj xmati itech tlen kijtoua Biblia ika nochiuas ika tlayekapan ijkuak xok titlajyouiskej. Noijki tikuelitaskiaj xkita kenon titemachtiaj niman ijkon tikitas kenon tlen Biblia techijlia tikseliskej ika tlayekapan uelis mitspaleuis tejua niman mofamilia.
a Foreign Affairs, “A World at War: What Is Behind the Global Explosion of Violent Conflict?” (Se tlaltikpaktli kampa onka guerra: ¿Tleka melak onka Guerras ipan nochi tlaltikpaktli?), Emma Beals niman Peter Salisbury; 30 de octubre de 2023.
b Noticias itech tlalolinalistli, “2023: Ipan yejuin xiuitl más miyek tlalolinalistli opanokej”; mayo de 2023.
c Naciones Unidas, “Secretary-General’s Opening Remarks at Press Conference on Climate,” (Tlen okijto secretario itech akin kita ken tona niman seua); 27 de julio de 2023.
d Programa Mundial de Alimentos, “Melak onka apistli”.
e Organización Mundial de la Salud, “Tonajli ijkuak kinpaleuiyaj akin najmanaj noso xkuajli nomachiliaj”; 10 de octubre de 2023.
Puede que también le interese
ENSEÑANZAS IMPORTANTES DE LA BIBLIA
¿Tlenon kijtosneki iTekiuajyo toTajtsin?
Jesús más otemachti itech iTekiuajyo toTajtsin, xijkon ken itech okseki. Melak yeuejkaui ika akin kichiuaj ken Cristo kitlajtlantokej mauajla iTekiuajyo toTajtsin.
¡XTLACHIAKAN!
Kenon xok sajnoye tiajmankamikis
Xkita seki tlemach tlen uelis mitspaleuis maka sajnoye xajmankamiki.
TOTECHKOPA
Xteijli mamitstlajpalotij
Xkita tlen Biblia temachtia noso xmati más itech iteixpantijkauan Jehová.
