Se libro tlen youejkauj niman ok techpaleuiya
Melak miyekej kitlakaitaj Biblia pampa tlajtoua itech toTajtsin. San ika, yejuin libro xsan itech yejon tlajtoua, noijki kipiya miyek tlen uelis techpaleuis ipan tonemilis.
Xkita kenon sekimej kijtouaj ika melak yokinpaleui pampa yonomachtijkej Biblia niman okichiujkej tlen ompa kijtoua.
“Yonechpaleui manikyektlali nonemilis. Noijki yokichiuj kuajli manitlanemili niman kuajli maninomachili. Aman melak niyolpaki” (Fiona).
“Pampa ninomachtia Biblia yonechpaleui manikmati tlenon nikchiuas ipan nonemilis” (Elena).
“Aman melak kuajli ninemi pampa xok niuejkaui ipan notekiyo niman más tiempo ninemi iuan nofamilia” (Andrew).
Xsan yejuamej ijkon kijtouaj. Melak miyekej ipan nochi tlaltikpaktli yokitakej ika tlen Biblia kijtoua sajnoye tepaleui.
Xkita kenon Biblia uelis mitspaleuis...
... ipan motlalnakayo.
... itech tlen tikmachilia.
... iuan mofamilia niman moamigos.
... itech ken tiktekitiltia motomin.
... itech ken timouika iuan toTajtsin.
Tlamachtiltin ipan yejuin revista mitsititiskej ika Biblia xsan tlajtoua itech toTajtsin, noijki uelis techpaleuis ipan tonemilis.
