TLEN NONEKI KICHIUASKEJ AKIN YONONAMIKTIJKEJ
2. Xmopaleuikan
¿TLENON KIJTOSNEKI?
Tla akin yononamiktijkej san sekan nopaleuiyaj, yeskiaj kentla ijkuak se akin kipatlanaltia avión niman akin kipaleuiya san sekan kuajli tekitij. Xsan intech tlanemiliaj, kitejtemouaj kenon uelis nopaleuiskej ijkuak kinpiyaj tlaueltin.
TLEN BIBLIA KIJTOUA: “Yejuamej xok omemej, yej nochiuaj san se” (Mateo 19:6).
“Akin yononamiktijkej noneki san sekan nopaleuiskej niman ijkon kuajli nemiskej” (Christopher).
¿TLEKA MELAK NONEKI?
Tla akin yononamiktijkej xsan sekan tekitij, ijkuak kipiyaskej se tlauejli san no yejuamej noixnamikiskej niman on tlauejli más ueyixtias, maski tla xueyi katka.
“Akin yononamiktijkej noneki san sekan manopaleuikan. Tla xninopaleuiskia iuan noueuentsin, kuakon yeskia ken yakaj akin san iuan nichanti, pampa xtopaleuiskiaj niman xtasikamatiskiaj” (Alexandra).
¿TLENON UELIS TIKCHIUAS?
XMOTLAJTOLTI YEJUIN
-
¿Tiknemilia ika tomintsin tlen tiktlani san tejua motlatki?
-
¿Más kuajli timoseuiya ijkuak san moselti tinemi?
-
¿Xmás ueli timouika iuan ifamilia moixnamik maski yejuamej melak kuajli nouikaj?
SAN SEKAN XMOTLAJTOLTIKAN YEJUIN:
-
¿Tlenon kuajli tikchiuaj san sekan?
-
¿Kanon nonekis más tokojtiliskej?
-
¿Tlenon noneki tikchiuaskej niman ijkon nochipa san sekan topaleuiskej?
TLEN UELIS TIKCHIUAS
-
Xnemili ika akin yononamiktijkej kentla nauiltijtoskiaj fútbol. ¿Tlenon noneki kichiuaskej niman ijkon san sekan nauiltiskej ipan se equipo niman xnoixnamikiskej?
-
Maka xnemili kenon uelis titetlanis, xnemili kenon uelis nentetlaniskej.
“Maka san xkitstokan akinon nopopoloua. Yej, xmokojtilikan kuajli nemouikaskej niman xkitakan kenon ika nemoyojlo ninnemij” (Ethan).
TLEN BIBLIA KIJTOUA: “Maka xchiuakan on tlen kuajli san para nemejuamej, yej no xkinchiuilikan oksekimej on tlen kuajli” (Filipenses 2:3, 4).
