¿Katlejua texto más tikuelita? Kanaj miyek tikinuelita. Kanaj tikuelita se tlen mitsyolseuiya niman mitsyolchikaua, se tlen mitspaleuiya maka xnemili tlen xkuajli noso se texto tlen tikuelita tikteititis (Sal. 119:​11, 111). San ika, kemantika kanaj xkuajli tikilnamiki tlen kijtoua se texto noso xtikilnamiki kanon tiknextis. Xkita tlenon uelis tikchiuas.

• Xkintekitilti etiquetas tlen kinpiya JW Library^®. Ijkuak tikamapouas Biblia ipan aplicación niman tiknextis se texto tlen tikneki tikilnamikis, xtlalili se etiqueta kampa makijto “Textos tlen nikinuelita”.

• Xtlali texto kampa uelis tikitas. Sekimej tokniuan kijkuilouaj se texto ipan se amatl niman kitlaliaj ipan espejo noso ipan refrigerador. Oksekimej kikixtiliaj se foto texto tlen kuelitaj niman kitlaliaj ken fondo de pantalla ipan incelular noso ipan incomputadora.

• Xkinchijchiua amatsitsintin para tikintsontekontlalis. Xkijkuilo ipan se amatsintli se texto niman ikuitlapan xkijkuilo tlenon kijtoua. Sakin, xkita tlen texto kiteneua yejon amatsintli niman xyejyeko xkilnamiki tlen kijtoua yejon texto.