MATINEMIKAN KEN CRISTO
¡Nochipa uelis tiyolpakis!: yenkuikej amatlajkuiloltin tlen ika titemachtiaj
¡Melak teyolpakti pampa itikpiyaj se yenkuik libro niman se yenkuik amatlajkuilojli tlen ika titemachtiaj! Tiktlajtlaniliaj Jehová matechpaleui más miyekej matikinmachtikan (Mt 28:18-20, TNM; 1Co 3:6-9). ¿Kenon uelis tikintekitiltiskej yejuin amatlajkuiloltin?
Kipiya ika tikpatlaskej ken titemachtiaj pampa aman noneki más titlajtlajtoskej iuan tonomachtijkauj. Xkita kenon uelis tikintekitiltis yejuin amatlajkuiloltin ijkuak timoyektlalis niman titemachtis. *
-
Xkamapoua nochi tlamachtijli niman xnankili tlen ompa tetlajtoltia.
-
Xkinpoua nochi textos tlen ompa uajlauej niman xpaleui akin tikmachtia makasikamati tlen techmachtiaj.
-
Xkimita videos niman xnankili tlen uajlauj ipan amatlajkuilojli.
-
Ijkuak nemomachtiskej, xyejyekokan xtlamikan se tlamachtijli.
Ijkuak titenojnotsas, kachtopa xtemaka amatlajkuilojli tlen kipiya yeyi tlamachtiltin, niman ijkon tikitas tla yemelak kineki nomachtis akin otiknojnots (xkita recuadro “ Ken uelis tiktemakas amatlajkuilojli ¡Nochipa uelis tiyolpakis! ijkuak kachtopa tontetlajpalos”, tlen onka ipan página 16). Tla yonentlankej nemomachtiaj yejon yeyi tlamachtiltin niman akin tikmachtia kineki más nomachtis, xmaka libro niman xpeuakan xmomachtikan ipan tlamachtijli 4. Tla ititemachtijtika ika okse amatlajkuilojli tlen ika titemachtiaj, kuakon, xpeua xtemachti ika libro ¡Nochipa uelis tiyolpakis! Tejua uelis tikijtos ipan tlen tlamachtijli nenpeuaskej.
XKITAKAN VIDEO ¡MELAK KUAJLI IKA YOTIPEUJ TIMOMACHTIA BIBLIA!, SAKIN XNANKILIKAN YEJUIN:
-
Ika yejuin libro, ¿tlenon ueliskej akin tikinmachtiaj?
-
¿Tleka noneki tikimititis yejuin video akin yopeuj tikinmachtia?
-
¿Tlenon uelis tikijlis makichiua akin tikmachtia? (Xkita recuadro “ Tlen uelis niman tlen kichiuas akin tikmachtia ipan cada sección”, tlen onka ipan página 16).
^ párr. 4 NOTA: Maski tla nenkitaskej noso xnenkitaskej sección “Okseki xkita”, tejua noneki kuajli tikyektlalis yejon sección. Yejon mitspaleuis xkita tlenon kineki kimatis akin tikmachtia niman tlenon uelis kipaleuis. Tla tikpiya yejuin amatlajkuilojli ipan celular noso tableta, ompa uelis tikimitas videos niman okseki tlamachtiltin.
|
TLEN UELIS NIMAN TLEN KICHIUAS AKIN TIKMACHTIA IPAN CADA SECCIÓN |
|||
|---|---|---|---|
|
TLAMACHTILTIN |
TLEN UELIS |
TLEN UELIS KICHIUAS AKIN TIKMACHTIA |
|
|
1-12 |
Kimatis kenijki Biblia uelis kipaleuis niman tlenon uelis kichiuas niman ijkon kixmatis akin okichiuj manoijkuilo. |
Xyolchikaua makiamapoua Biblia, makiyektlali tlen nemomachtiskej niman mauiya tlanechikoltin. |
|
|
13-33 |
Kasikamatis tlenon yokichiuj toTajtsin topampa niman kenijki kineki matikueyichiuakan. |
Xyolchikaua makinnojnotsa oksekimej niman manochiua tenojnotsketl. |
|
|
34-47 |
Kitas tlenon kineki toTajtsin makichiuakan akin kiueyichiuaj. |
Xyolchikaua manosentemaka itech Jehová niman manoapolakti. |
|
|
48-60 |
Kasikamatis kenon uelis nochipa kitlasojtlas toTajtsin. |
Xkititi kenon uelis kitas tla itlaj kuajli noso xkuajli niman xpaleui más makichikaujtiuj itlaneltokil. |
|
