Pascua tlen sa ika tlami kipanoltiskia Jesús, melak ueyi kijtosnekiya. Pampa imikiskia, okinek kipanoltis Pascua imiuan iapóstoles niman kimijlis ika aman nonekiya kipanoltiskej iTlakualis toTeko. Ika yejon, okitlajtlanili Pedro niman Juan makiyektlalikan kampa kipanoltiskiaj Pascua (Lu 22:7-13; xkita tlaixkopinajli tlen onka ixpan yejuin amatlajkuilojli). Yejuin techilnamiktia ika noneki toyektlaliskej niman ijkon tikpanoltiskej Conmemoración ipan 27 de marzo. Tlanechikoltin kanaj yokitlapejpenijkej akinon kipanoltis tlamachtijli, yokitejtemojkej pan niman vino, niman okseki. San ika ¿kenon uelis toyektlaliskej niman ijkon kuajli tikpanoltiskej Conmemoración?

Matikyektlalikan toyoltsin. Matitlanemilikan ipan tlen nopoua itech Biblia ijkuak noilnamiki imikilis Cristo. Tiknextiskej tlen uelis tikpouaskej ipan amatlajkuilojli Mojmostla matomachtikan iTlajtol toTajtsin. Noijki, uelis techpaleuis tla tikitaj sección 16 itech amatlajkuilojli Tlen tepaleuiya timomachtis iTlajtol toTajtsin niman noijki tla tikitaj Tlen tomachtiskej niman tlen notekitiltis tlen okis ipan abril de 2020. Tla tikneki timomachtis imiuan mochanejkauan itech kenon techpaleuiya ika Jesús onotemakak topampa, uelis tikitas Índice de las publicaciones Watch Tower niman noijki uelis tikitas Tlen kinpaleuiya ika nomachtiaj iteixpantijkauan Jehová.

Matikinnotsakan oksekimej. Chikauak matitenojnotsakan ijkuak tikinxeloskej invitaciones para Conmemoración. ¿Akinomej ueliskia tikinnotsaskej? Kanaj akin tikomintlajpalouaj, akin tikinmachtiayaj, tochanejkauan niman akin tikimixmatij. Tlayekankej noneki kinnotsaskej akin xok tenojnotsaj niman xok touan nosentlaliaj. Matikilnamikikan ika, tla yakaj xnisiuj chanti kampa tejuamej, tiknextiskej kanon uelis kipanoltis Conmemoración ipan jw.org. Xpachouili kampa TOTECHKOPA niman sakin kampa “Imikilis Cristo”.

¿Tlenon okseki uelis tikchiuas niman ijkon kuajli tikpanoltis Conmemoración?