Tlen mitspaleuis kuajli xmomachti yejuin amatlajkuilojli
Ijkuak peuas timomachtis, kachtopa xkita kenijki uelis tiktekitiltis yejuin amatlajkuilojli. Noijki xkita VIDEO.
PARTE 1
Achto mitsonmachtiskej, san tejua xkita kachtopa parte. Xkita ika seki tlajtoltilistin onotlalilijkej números (A) niman onoijkuilojkej ika letras kapotstikej tlen kijtouaj seki textos (B), ijkon nimantsin tikmatis tlen noneki tikasikamatis. Ipan seki textos uajnestiuj tlajtojli “Xkita”, yejuin kijtosneki ika noneki tikinamapouas.
PARTE 2
Kampa peua sección “Okseki xkasikamati” onka se párrafo tlen techijlia tlenon más noitas ipan tlamachtijli (C). Subtítulos tlen kipiyaj números techijliaj tlen noneki tikasikamatiskej (D). Xkita iuan akin mitsmachtia tlen kijtouaj textos, xkinnankili tlajtoltilistin niman xkimita videos.
VIDEOS. Ipan yejuin recuadros tikinnextis videos tlen mitspaleuiskej más xkasikamati tlen timomachtijtika. Ipan seki videos noteneua tlen melauak opanok. Niman ipan okseki, san noteititia tlen ueliskia panos.
Xkimita tlaixkopinaltin niman noijki xkita tlen ompa ijkuiliujtika (E), noijki xnemili kenijki tiknankiliskia tlen uajnestiuj ipan sección “Sekimej kijtouaj” (F).
PARTE 3
Itlamiyan tlamachtiltin uajnestiuej secciones “Tlen otiuel” niman “¿Kenon titlanankiliskia?” (G). Xkijkuilo tlen tonajli otitlan timomachtia se tlamachtijli. Tlen noijtoua ipan recuadro “Xchiua yejuin” mitspaleuis xchiua tlen tiueltiuj ipan yejuin amatlajkuilojli (H). Ipan sección “Okseki xkita” uajnestiuej seki videos niman seki amatlajkuiloltin tlen uelis tikimitas (I).
Ken uelis tiknextis se texto ipan Biblia
Biblia kipiya 66 libros. Ojkan xeliujtok: 1) Tlajkuiloltin ika Hebreo niman Arameo niman 2) Tlajkuiloltin Griegas Cristianas. Sekimej kimixmatij ken Antiguo Testamento niman Nuevo Testamento.
Ijkuak noteneuaj textos itech Biblia ipan yejuin amatlajkuilojli, kachtopa uajnestiuj ken itoka libro (A), sakin uajnestiuj capítulo (B) niman sa ika tlami uajnestiuj versículo noso versículos (C).
Kuakon, Juan 17:3 kijtosneki “libro de Juan, capítulo 17, versículo 3”.
Puede que también le interese
TLEN MIYEKPA NOTLAJTOLTILO
¿Kenon nochiua ijkuak se kimachtiaj itech Biblia?
Ijkuak mitsmachtiskej iteixpantijkauan Jehová uelis tijkuis maski san katlejua Biblia. Uelis ompa nemiskej mochanejkauan noso moamigos.
