Xchiuili teoyotl toTajtsin niman kuajli xmoyektlali. Xtlajtlanili Jehová ika mamitspaleui xtlanemili ipan motlamachtil niman maka motech xtlanemili. Kuajli xmatsto tlenon tikneki titemachtis. Tlen tikijtos makisa ipan moyojlo niman maka xteneua san tlen ijkuiliujtika.

Xtlajto ika nochi moyojlo. Xnemili tleka akin mitskakiskej noneki kikakiskej tlamachtijli. Intech xtlanemili. Tla ijkon tikchiua, ken timotelketsas, tikintekitiltis momauan niman moxayak kiteititiskej ika melauak tlen tikijtoua niman ika titetlasojtla.

Xkintlajtlata akin mitskaktokej. Tla xkinyolkokos, xkintlajtlata. Ijkuak tiktemakas se tlamachtijli, maka san uejka xontlachia, kachtopa yakaj xtlajtlata, sakin okse niman ijkon xchiujtiuj imiuan oksekimej.