Salmu 105:1-45
-
Saweera soororomeleya sa Yehova ntakhara achu awe
105 Mmuthamalele Yehova, mwiichane nsina nawe,Mweerihe wi saweera sawe isuweliwe variyari va achu!
2 Mmwiipele yoowo, mmwiipele mmucicimihaka yoowo,*Muupuwelele* miteko sawe soothene sootikhiniha.
3 Mwiirumihe ntakhara nsina nawe naweela.
Ihakalale mirima sa yaale enamwaavya Yehova.
4 Mmwaavye Yehova ni ikuru sawe.
Mwaavyeke ethoi awe moohihiyererya.
5 Muupuwele sootikhiniha eenreiye,Sootikhiniha sawe ni mathorihelo aalonceiye,
6 Nyuwo muyareriwo* wa Aparahamu mulapeli awe,Nyuwo anamwane a Yakopo, oothanliwa awe.
7 Owo ti Yehova, Muluku ahu.
Mathorihelo awe ari veelaponi yoothene.
8 Owo onnuupuwela waataana wawe okhala wookhala,Nlakano opankeiye wa* achu awe,
9 Waataana aapankeiye ni Aparahamu,Ni olipela aapankeiye ni Isaki.
10 Olipela weiwo aatikithenryeiye ntoko nlamulo wa YakopoNave ntoko waataana woohimala ntakhara Isarayeli,
11 Alocaka: ‘Kinamoovaha elapo yo Kanani,Ntoko yoohiyeryiwa okaweliwaawe.’
12 Ela yeeren’ye vaavaa awo yaaryaaya vakhaani,Aa, vakhaani, nave yaari anamarwa mu elapo yeele.
13 Awo yaaheeca ekhumaka mu nloko eyaaka mu nloko nikina,Ekhumaka mu omwene eyaaka mu omwene okina.
14 Owo heemerenrye wi muchu vyakala aahooxe,Nyenya wa nthowa na yaawo aahaasamela mamwene,
15 Alocaka: “Muhaatannye oothanliwa aka,Muhiweerele echu yoonanara alipa a miririmu aka.”
16 Owo aahiruuha etala veelaponi;Akwatelela yoolya aya.*
17 Owo aamurumiha ohoolo waya mulopwanaAakulihiwe ntoko kapuro, Yosefe.
18 Inaani sawe saamakiwa* ni ikurenti,Yaamukuherya mithipo muxikoni mwawe.*
19 Ophiyerya elukuluku yeeyo masu awe yaakhwanenlaaya,Masu a Yehova ti yaawo yaamurehenrye.
20 Mwene aalamulela wi ataphuliwe;Mulamuleli a achu aamutaphula.
21 Owo aamweera pwiya a empa awe,Mulamuleli a sookhalano sawe soothene,
22 Wi aalamuleleke* ahooleli awe ntoko aachuneleiye,*Ni waahusiha miruku asitokweene.
23 Voocharela Isarayeli aavolowa o Yikuputu,Nave Yakopo aakhala ntoko namarwa mu elapo ya Hami.
24 Muluku aahiweeriha achu awe okhala awaaca;Aaweeriha okhala akuruxa waapwaha amwiicani aya,
25 Owo aaheemererya wi mirima saya sitorokeye wi ewiiceke achu aweNi waaphakanela alapeli awe.
26 Owo aahimurumiha mulapeli awe, Mose,Vamoha ni Aroni, yoowo aamuthanlileiye;
27 Yaahipaka ineneeryo sawe variyari vayaSootikhiniha sawe mu elapo ya Hami.
28 Muluku aarumiha epiiphi, nave elapo yeele yaakhala yooriipa;Awo hiyaamwareenle masu awe.
29 Aatatuxa maahi aya ekhala nikhamiNave aahiipha ihopa saya.
30 Elapo aya yaasareya ni anaphulu,Ophiyerya tho mu ikwartu sa mwene.
31 Owo aalamulela wi ikulihi itokweene ni ipuuniIvolowe mu elapo aya yoothene.
32 Owo aatatuxa epula aya ekhala maralalaNave aarumiha overunya* mu elapo aya.
33 Aananariha miri saya sa uuva ni mikuukhu sayaNave aanyaanya miri mu elapo aya.
34 Owo aahirumiha misope sootoloxa,Misope mikhaani soohaalakhanyeya.
35 Iho saakhuura makukhu oothene a elapo yeeleNave saakhuura sawiima sa mmacani.
36 Vookuchulani, owo aahiwiipha anamwane oothene oopacerya oyariwa mu elapo aya,Sawiima soopacerya sa ikuru saya sa oyara.
37 Owo aahiweeriha achu awe okhumawo ni eparata vamoha ni ooru;Nave haavo variyari va mahimo awe aakwaculiwe.
38 Yikuputu aahakalala vaavaa awo yaacimunlaaya,Woona wi yaanatepa omoova Isarayeli.
39 Muluku aarumiha neeku wi aakhapelele yaawo,Nave aanaamwalela ni mooro ohiyu.
40 Awo yaamveka, nave owo aahaarumihela ayuurwe;*Owo aatitelela waavoniha ni yoolya ya wirimu.
41 Owo aathala mwala, nave maahi yaakhuma,Yaahichimaka mutakhwani ntoko muhice.
42 Tiwi owo aahuupuwelela yoororomeliha yaweela yeeyo owo aapankeiye wa Aparahamu, mulapeli awe.
43 Mwawiihiiha owo aahaakumihawo achu awe,Achu yaachapa, oothanliwa awe yaakhuwela moohakalala.
44 Owo aahaavaha ilapo sa maloko;Awo yaahaakhela yawiima ya muteko wakuru wa maloko makina,
45 Wi ekhapeleleke ikano saweNi yiiweleleke malamulo awe.
Mmucicimihe Yehova!*
Inoota
^ Naari: “mumpakele ncipo.”
^ Naari akhweya: “Muloceke sa.”
^ Mu Ehepiri, “mmiso.”
^ Mu Ehepiri, “Masu owo aalamulenleiye.”
^ Mu Ehepiri, “Antaka saweemexerano soothene sa epaau.” Akhweya inaahiwa saweemexerano saahomereriwavo ipaau mmukhalelo wa muneela.
^ Mu Ehepiri, “saahooxiwa.”
^ Naari: “Okumi awe waavolowa mmithiponi.”
^ Mu Ehepiri, “aamakeke.”
^ Naari: “ntoko okumi awe wachunelaaya.”
^ Naari: “makalume a mooro.”
^ Naari: “ipalame.”
^ Mu Ehepiri, “Aleluya!” Nsu nla nookhalano marepeliwo ookhuveya a nsina, Yehova.
