Yehova onnanihusiha mukhalelo wa winnuwiha mikhalelo saphaama orweela wa alopwana ni athiyana enalociwa Mpiipiliyani. Nyenya, soopatuxiwa sawe tho sinnanihusiha mikhalelo soochuneyaxa. (Yobi 12:7, 8) Tiheeni nnahuseryaahu vooloca sa olipa murima wa amwaco, akavalo, amucirye, anantoosi ni ichepo?

MOONE EXILEMA MUHUSERYE OLIPA MURIMA ORWEELA WA SOOPATUXIWA, NAVE VOOCHARELA MWAAKHULE MAKOHO ALA ANACHARELA:

• Ti mwawiihai amwaco asiithiyana anooniheryaaya olipa murima vaavaa anawaakihaaya asaana aya?

• Akavalo anavyakihiwa hai wi ekhale oolipa murima okhoconi?

• Ntakhara heeni mucirye hanavoloweliwa ni esenya ya enowa?

• Anantoosi anooniherya hai olipa murima?

• Mmukhalelo taani ichepo siniiwananaaya wi yaakihe ichepo ikina wa amwiicani?

• Wa axinama yaala, tuuvi onoohusihaani olipa murima?